അന്തരിച്ച സംവിധായകന് സച്ചിയുടെ ജന്മദിനത്തില് അദ്ദേഹത്തിന്റെ ആഗ്രഹം പൂര്ത്തിയാക്കാനായി പുതിയ പ്രഖ്യാപനവുമായി നടന് പൃഥ്വിരാജ്. സച്ചി ക്രിയേഷന്സ് എന്ന പുതിയ ബാനര് അനൗണ്സ് ചെയ്തിരിക്കുകയാണ് പൃഥ്വിരാജ്. ഈ ബാനറിലൂടെ നല്ല സിനിമകള് നിങ്ങളിലേക്ക് എത്തിക്കുക എന്നതാണ് ലക്ഷ്യമെന്നും പൃഥ്വിരാജ് ഫെയ്സ്ബുക്കില് കുറിച്ചു.
പൃഥ്വിരാജിന്റെ കുറിപ്പ്:
നമസ്ക്കാരം എല്ലാവര്ക്കും എന്റെ ക്രിസ്തുമസ് ആശംസകള്. ഡിസംബര് 25 എന്നെ സംബന്ധിച്ച് മറ്റൊരു പ്രത്യേകത കൂടിയുള്ള ദിവസമാണ്. എന്റെ പ്രിയ സുഹൃത്തും, തിരക്കഥാകൃത്തും, സംവിധായകനുമായ സച്ചിയുടെ ജന്മദിനം കൂടിയാണ്. അദ്ദേഹത്തിന്റെ ഒരുപാട് ആഗ്രഹങ്ങളില് ഒന്നായിരുന്നു സ്വന്തമായി ഒരു സിനിമ നിര്മ്മിക്കണമെന്നത്. അതിനുള്ള ശ്രമങ്ങളും ആരംഭിച്ചിരുന്നു. നിര്ഭാഗ്യവശാല് ഇന്ന് സച്ചി നമ്മോടൊപ്പം ഇല്ല.
അദ്ദേഹത്തിന്റെ ഓര്മ്മ നിലനിര്ത്തുന്നതിനും, ആഗ്രഹപൂര്ത്തീകരണത്തിനും വേണ്ടി ഇന്ന് ഞാനൊരു ബാനര് അനൗണ്സ്മെന്റ് നടത്തുകയാണ് SACHY CREATIONS. ഈ ബാനറിലൂടെ നല്ല സിനിമകള് നിങ്ങളിലേക്ക് എത്തിക്കുക എന്നതാണ് ലക്ഷ്യം. അതിന് നിങ്ങളുടെ എല്ലാവിധ സപ്പോര്ട്ടും പ്രതീക്ഷിക്കുന്നു.
തിരക്കഥാകൃത്തും സംവിധായകനുമായ സച്ചി ജൂണ് 18ന് ആണ് ഹൃദയാഘാതത്തെ തുടര്ന്ന് അന്തരിച്ചത്. സംവിധായകന്, തിരക്കഥാകൃത്ത് എന്നതിലപ്പുറം സച്ചി പൃഥ്വിരാജിന്റെ ആത്മമിത്രം കൂടിയായിരുന്നു. അതേസമയം, പൃഥ്വിരാജിനെ നായകനാക്കി സച്ചി ഒരുക്കിയ അവസാനത്തെ തിരക്കഥ വിലായത്ത് ബുദ്ധ സിനിമവുകയാണ്. സച്ചിയുടെ അസോസിയേറ്റ് ആയിരുന്ന ജയന് നമ്പ്യാര് ആണ് സംവിധാനം.