മഞ്ജു വാര്യരെ നായികയാക്കി റോഷന് ആന്ഡ്രൂസ് ഒരുക്കിയ സിനിമ “പ്രതി പൂവന്കോഴി”യുടെ അന്യഭാഷ റീമേക്കുകള് ഒരുങ്ങുന്നു. തെലുങ്ക്, കന്നഡ, ഹിന്ദി ഭാഷകളുടെ റീമേക്ക് അവകാശങ്ങളാണ് വിറ്റു പോയിരിക്കുന്നത്. ബോണി കപൂര് പ്രൊഡക്ഷന്സ് ആണ് ഹിന്ദി റീമേക്ക് അവകാശം സ്വന്തമാക്കിയിരിക്കുന്നത്.
ഹൗ ഓള്ഡ് ആര് യു എന്ന ചിത്രത്തിന് ശേഷം മഞ്ജുവും റോഷന് ആന്ഡ്രൂസും ഒന്നിച്ച ചിത്രമാണ് പ്രതി പൂവന്കോഴി. ചിത്രത്തില് വില്ലന് വേഷത്തിലും റോഷന് ആന്ഡ്രൂസ് തിളങ്ങി. സ്ത്രീപക്ഷ സിനിമയായി ഒരുക്കിയ ചിത്രം സമൂഹത്തില് ദിവസേന സ്ത്രീകള്ക്ക് നേരെയുണ്ടാകുന്ന അതിക്രമങ്ങളിലേക്കാണ് വിരല് ചൂണ്ടിയത്.
ഉണ്ണി ആര് തിരക്കഥ ഒരുക്കിയ ചിത്രത്തില് മാധുരി എന്ന സെയില്സ് ഗേള് ആയാണ് മഞ്ജു വേഷമിട്ടത്. മഞ്ജുവിന്റെ കരുത്തയായ സ്ത്രീ കഥാപാത്രത്തിനൊപ്പം ആന്റപ്പന് എന്ന റോഷന് ആന്ഡ്രൂസിന്റെ വില്ലന് കഥാപാത്രവും ഏറെ ശ്രദ്ധ നേടിയിരുന്നു.
നേരത്തെ അന്ന ബെന് ചിത്രം ഹെലന്റെ റീമേക്ക് അവകാശവും ബോണി കപൂര് സ്വന്തമാക്കിയിരുന്നു. ബോണി കപൂറിന്റെ മകളും നടിയുമായ ജാന്വി ആണ് ചിത്രത്തില് നായികയാവുന്നത്.