ഡിസംബര് 20 ന് തിയേറ്ററുകളിലെത്തിയ റോഷന് ആന്ഡ്രൂസ്-മഞ്ജുവാര്യര് ചിത്രം പ്രതി പൂവന് കോഴി മികച്ച പ്രതികരണം നേടി മുന്നേറുന്നു. റോഷന് ആന്ഡ്രൂസിന്റെ ആന്റപ്പനെന്ന വില്ലന് വേഷത്തെയും ഇരു കൈകളും നീട്ടിയാണ് പ്രേക്ഷകര് സ്വീകരിച്ചത്. ആന്റപ്പനെ കണ്ടാല് അടിക്കാന് തോന്നുമെന്നാണ് ഭൂരിപക്ഷം പ്രേക്ഷകരുടെയും അഭിപ്രായം. മഞ്ജുവിന്റെ മാധുരി ശക്തയായ സ്ത്രീകഥാപാത്രമാണെന്നും പത്രവും കന്മദവുമാണ് ആദ്യം ഓര്മ്മയിലെത്തുക എന്നും പ്രേക്ഷകര് സോഷ്യല് മീഡിയയില് കുറിച്ചിട്ടുണ്ട്.
അനുശ്രീ, സൈജു കുറുപ്പ്, അലന്സിയര്, എസ് പി ശ്രീകുമാര്, ഗ്രേസ് ആന്റണി തുടങ്ങിവരും ചിത്രത്തിലുണ്ട്. ആന്റപ്പന്റെയും മാധുരിയുടെയും ജീവിതത്തിലുണ്ടാകുന്ന അപ്രതീക്ഷിത സംഭവങ്ങളിലൂടെയാണ് ചിത്രം മുന്നോട്ടുപോകുന്നത്. ഉണ്ണി ആറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
ശ്രീഗോകുലം മൂവീസ്സിന്റെ ബാനറില് ഗോകുലം ഗോപാലനാണ് ച്ത്രം നിര്മ്മിച്ചിരിക്കുന്നത്. ഛായാഗ്രഹണം ജി ബാലമുരുകന്. സംഗീതം ഗോപി സുന്ദര്.