നടന് പ്രഭാസിന് സര്ജറി. കാല്മുട്ടിന്റെ സര്ജറിയെ തുടര്ന്നാണ് നടന് താല്ക്കാലികമായി സിനിമയില് നിന്ന് മാറിനില്ക്കുന്നത്. തെലുങ്ക് മാധ്യമങ്ങളാണ് വാര്ത്ത പുറത്തുവിട്ടിരിക്കുന്നത്. ഡോക്ടര്മാരുടെ നിര്ദേശത്തെ തുടര്ന്നാണ് പെട്ടെന്ന് സര്ജറി നടത്താന് തീരുമാനിച്ചതെന്നും റിപ്പോര്ട്ടില് പറയുന്നു.
പ്രഭാസിന്റെ സര്ജറി വിവരം പുറത്തു വന്നതോടെ ആശംസയുമായി ആരാധകര് എത്തിയിട്ടുണ്ട്. ആരോഗ്യം വീണ്ടെടുത്ത് വേഗം സിനിമയിലേക്ക് മടങ്ങി എത്താനാണ് ആരാധകര് പറയുന്നത്. അതേസമയം നിരവധി ബിഗ് ബജറ്റ് ചിത്രങ്ങള് നടന്റെതായി പ്രഖ്യാപിച്ചിട്ടുള്ളതുകൊണ്ട് അധികം ഇടവേള എടുക്കാന് സാധ്യതയില്ല എന്നാണ് വിവരം.
‘കല്ക്കി 2898 എഡി’ ആണ് താരത്തിന്റെതായി ഇനി റിലീസിന് ഒരുങ്ങുന്നത്. കമല് ഹാസന്, അമിതാഭ ബച്ചന്, ദീപിക പദുക്കോണ്, ദിഷ പഠാനി, പശുപതി എന്നിവരാണ് ചിത്രത്തില് പ്രധാന വേഷങ്ങളില് എത്തുന്നത്. ദുല്ഖര് സല്മാനും ചിത്രത്തിന്റെ ഭാഗമാകുന്നുണ്ടെന്ന റിപ്പോര്ട്ടുകള് പുറത്തുവന്നിരുന്നു.
കൂടാതെ കല്ക്കിയുടെ കേരളത്തിലെ പ്രദര്ശനാവകാശം ദുല്ഖറിന്റെ വേഫറെര് ഫിലിംസിനാണ് എന്നുള്ള റിപ്പോര്ട്ടുകളും എത്തുന്നുണ്ട്. എന്നാല് ഔദ്യോഗിക സ്ഥിരീകരണം ഇതുവരെയുണ്ടായിട്ടില്ല. 600 കോടി ബജറ്റില് എത്തുന്ന ചിത്രം നാഗ് അശ്വിന് ആണ് സംവിധാനം ചെയ്യുന്നത്.