ബാഹുബലിയ്ക്ക് ശേഷം പ്രഭാസ് നായകനായി തിയേറ്ററുകളിലെത്തിയ ബ്രഹ്മാണ്ഡ ചിത്രം സാഹോ വിജയകരമായി പ്രദര്ശനം തുടരുകയാണ്. വമ്പന് ആക്ഷന് രംഗങ്ങള് നിറഞ്ഞ ചിത്രത്തിന്റെ മേക്കിംഗ് വീഡിയോ അണിയറപ്രവര്ത്തകര് പുറത്തുവിട്ടു. സുജീത്ത് ഒരുക്കിയ ചിത്രത്തിന്റെ ആക്ഷന് രംഗങ്ങള് ചിത്രീകരിച്ചത് എങ്ങനെ എന്നാണ് വീഡിയോയില് കാണിക്കുന്നത്.
37 കാറുകളും അഞ്ചു ട്രക്കുകളുമാണ് ചിത്രത്തിലെ ഒരൊറ്റ ആക്ഷന് സീനിനുവേണ്ടി ചെലവിട്ടത്. സാബു സിറില് ആണ് ചിത്രത്തിന്റെ പ്രൊഡക്ഷന് ഡിസൈനര്. സിനിമയ്ക്കായി അദ്ദേഹം പ്രത്യേക ട്രക്കുകളും കാറുകളും സ്വന്തമായി നിര്മ്മിക്കുകയായിരുന്നു. ഹിന്ദി, തെലുങ്ക്, തമിഴ്, മലയാളം ഭാഷകളിലായി റിലീസ് ചെയ്ത ചിത്രത്തിന്റെ കളക്ഷന് 400 കോടി താണ്ടിയിരിക്കുകയാണ്.
ബോളിവുഡ് നടി ശ്രദ്ധ കപൂര് നായികയായി എത്തിയ ചിത്രത്തില് ജാക്കി ഷറോഫ്, നീല് നിതിന് മുകേഷ്, മന്ദിര ബേദി, ചങ്കി പാണ്ഡേ, ലാല്, മഹേഷ് മഞ്ജരേക്കര്, അരുണ് വിജയ്, മുരളി ശര്മ തുടങ്ങിയവരും വേഷമിടുന്നു. ഗിബ്രാന് പശ്ചാത്തലസംഗീതം നിര്വഹിച്ച ചിത്രത്തിന്റെ ഛായാഗ്രഹണം ആര്. മഥിയും എഡിറ്റിംഗ് ശ്രീകര് പ്രസാദുമാണ് നിര്വഹിച്ചിരിക്കുന്നത്.