പൊങ്കല് ദിനത്തില് കളര്ഫുള് പോസ്റ്ററുമായി പ്രഭാസ്. പുതിയ ചിത്രം ‘രാജാസാബ്’ ആണ് പ്രഖ്യാപിച്ചിരിക്കുന്നത്. കളര്ഫുള് ആയുള്ള ഫസ്റ്റ്ലുക്ക് ആണ് പ്രഭാസ് പങ്കുവച്ചിരിക്കുന്നത്. സംവിധായകന് മാരുതി ഒരുക്കുന്ന ചിത്രം ഹൊറര് മൂവിയാണ്. ഇന്നുവരെയുള്ള തന്റെ ഏറ്റവും വലിയ പ്രോജക്റ്റുകളില് ഒന്നാണ് ഇത് എന്നാണ് സംവിധായകന് പറയുന്നത്.
പീപ്പിള് മീഡിയ ഫാക്ടറിയുടെ ബാനറില് ടി.ജി വിശ്വപ്രസാദ് ആണ് നിര്മ്മാണം. വിവേക് കുച്ചിബോട്ലയാണ് ചിത്രത്തിന്റെ സഹനിര്മ്മാണം. തമന് എസ് ആണ് സംഗീതസംവിധായകന്. ”പ്രേക്ഷകര്ക്ക് ഒരു ഗംഭീരമായ ഹൊറര് അനുഭവം നല്കാന് ഞങ്ങള് തയ്യാറാണ്.”
”ഞങ്ങളുടെ ഹൊറര് ആഖ്യാനത്തില് പ്രഭാസിന്റെ ഗംഭീര സ്ക്രീന് സാന്നിധ്യം പ്രേക്ഷകരെ അമ്പരപ്പിക്കുമെന്ന് ഉറപ്പാണ്” എന്ന് മാരുതി വ്യക്തമാക്കി. പ്രഭാസ് ചിത്രം നിര്മ്മിക്കുന്നതിന്റെ ത്രില്ലിലാണെന്ന് നിര്മ്മാതാവ് ടിജി വിശ്വ പ്രസാദും വ്യക്തമാക്കി.
വരാനിരിക്കുന്ന റൊമാന്റിക് ഹൊറര് എന്റര്ടെയ്നറായ ‘ദി രാജാ സാബില് പ്രഭാസിനെ ഉള്പ്പെടുത്തിയതില് ത്രില്ലിലാണ്. ഒരു അഭിനേതാവ് എന്ന നിലയില് മികച്ച ശ്രേണിയില് പ്രേക്ഷകര് ഇഷ്ടപ്പെടുന്ന ഒരു ഇന്ത്യന് താരമാണ് അദ്ദേഹം, ആ കഥാപാത്രത്തിന് ഏറ്റവും അനുയോജ്യനാണ്.
പ്രേക്ഷകര് ഏറെ നാളായി കൊതിച്ച മാസിലും വിന്റേജ് ലുക്കിലും അദ്ദേഹത്തെ കാണുമെന്ന് പ്രതീക്ഷിക്കാം. മാരുതിയുടെ സംവിധാന മികവിനൊപ്പം, ഈ യാത്ര ആരംഭിക്കാന് ഞങ്ങള് ശരിക്കും കാത്തിരിക്കുകയാണ് എന്നാണ് നിര്മ്മാതാവ് പറയുന്നത്.