മമ്മൂട്ടിക്ക് വേണ്ടി രാജരാജേശ്വര ക്ഷേത്രത്തില് പൊന്നിന്കുടം വഴിപാട്. തിരുവനന്തപുരം സ്വദേശി എ ജയകുമാറാണ് നടന്റെ ആയുരാരോഗ്യത്തിന് വേണ്ടി ഉത്രം നക്ഷത്രത്തില് പൊന്നിന്കുടം വഴിപാട് നടത്തിയത്. രാജരാജേശ്വര ക്ഷേത്രത്തിലെ പ്രധാന വഴിപാടാണിത്. ജയകുമാറിനെ ക്ഷേത്രം ഭാരവാഹികള് ക്ഷേത്രത്തിലെ ആരാധാനാ മൂര്ത്തിയായ രാജരാജേശ്വരന്റെ ഫോട്ടോ നല്കി സ്വീകരിച്ചു.
കണ്ണൂര് ജില്ലയില് തളിപ്പറമ്പിലാണ് രാജരാജേശ്വര ക്ഷേത്രം സ്ഥിതി ചെയ്യുന്നത്. നെയ്യ് നിറച്ച വെള്ളിക്കുടവും പൊന്നിന്കുടവും സമര്പ്പിക്കുന്നതാണ് ക്ഷേത്രത്തിലെ പ്രധാന വഴിപാട്. കഴിഞ്ഞ ജൂലൈയില് കേന്ദ്ര ആഭ്യന്തര മന്ത്രി അമിത് ഷാ രാജരാജേശ്വര ക്ഷേത്രത്തില് ദര്ശനം നടത്തുകയും പൊന്നിന്കുടം വച്ച് തൊഴുകയും ചെയ്തിരുന്നു.
തമിഴ്നാട് മുന് മുഖ്യമന്ത്രി ജയലളിത, കര്ണാടക മുന് മുഖ്യമന്ത്രി ബി.എസ് യദ്യൂയൂരപ്പ, ഐസിസി മുന് ചെയര്മാന് എന്. ശ്രീനിവാസന് എന്നിവരും ഈ ക്ഷേത്രത്തില് ദര്ശനം നടത്തുകയും പൊന്നിന്കുടം വച്ച് തൊഴുകയും ചെയ്തിട്ടുണ്ട്. നേരത്തെ ശബരിമലയില് മമ്മൂട്ടിയുടെ പേരില് നടന് മോഹന്ലാല് വഴിപാട് നടത്തിയതും വാര്ത്തയായിരുന്നു.
അതേസമയം, ആരോഗ്യപ്രശ്നങ്ങളെ തുടര്ന്ന് അടുത്തിടെ വിശ്രമത്തിലായിരുന്ന മമ്മൂട്ടി പുതിയ നിരവധി സിനിമകളിലാണ് എത്തുന്നത്. നിലവില് മഹേഷ് നാരായണന് സംവിധാനം ചെയ്യുന്ന ‘പാട്രിയറ്റ്’ സിനിമയുടെ ഭാഗമായുള്ള ഷൂട്ടിങ് തിരക്കിലാണ് മമ്മൂട്ടി. ക്യബ്സ് എന്റര്ടെയ്മെന്റിന്റെ ബാനറില് പുതിയൊരു സിനിമ കൂടി താരത്തിന്റെതായി പ്രഖ്യാപിച്ചിട്ടുണ്ട്.