പ്രധാനമന്ത്രി നരേന്ദ്ര മോദിയുടെ ജീവിതത്തെ ആസ്പദമാക്കി പുറത്തിറങ്ങുന്ന ചിത്രം പി.എം നരേന്ദ്ര മോദി നാളെ റിലീസ് ചെയ്യും. ഇന്ത്യയ്ക്കും ജിസിസിയ്ക്കും പുറമെ ന്യൂസിലാന്ഡ്, ഓസ്ട്രേലിയ, ഫിജി തുടങ്ങി നിരവധി രാജ്യങ്ങളിലും ചിത്രം റിലീസ് ചെയ്യുന്നുണ്ട്.
വിവേക് ഒബ്റോയ് ആണ് ചിത്രത്തില് മോദിയായെത്തുന്നത്. ചിത്രം അഞ്ചിന് തിയേറ്ററുകളിലെത്തുമെന്നാണ് നേരത്തെ അറിയിച്ചിരുന്നത്. എന്നാല് വിവാദങ്ങളെ തുടര്ന്ന് റിലീസ് മാറ്റിവെയ്ക്കുകയായിരുന്നു.
വിവേക് ഒബ്റോയിയാണ് ചിത്രത്തില് മോദിയായി എത്തുന്നത്. സാധാരണ ചായയടിക്കാരന് എങ്ങിനെ രാജ്യത്തിന്റെ പ്രധാനമന്ത്രിയാകുമെന്ന സംഭാഷണങ്ങള് അടങ്ങിയതാണ് ട്രെയിലര്. മന്മോഹന്സിങ്ങ് പ്രധാനമന്ത്രിയായിരുന്നപ്പോഴുള്ള രാഷ്ട്രീയ അവസ്ഥയെ ചിത്രത്തില് പരിഹസിക്കുകയും കോണ്ഗ്രസ് പാര്ട്ടിയെ ട്രോളുകളും ചെയ്യുന്നുണ്ട്.സോണിയാ ഗാന്ധി, മന്മോഹന്സിങ്ങ്, അമിത് ഷാ, അംബാനി തുടങ്ങിയവരെല്ലാം ചിത്രത്തില് കഥാപാത്രങ്ങളായി എത്തുന്നുണ്ട്.
മനോജ് ജോഷിയാണ് ചിത്രത്തില് അമിത് ഷായുടെ റോളില് എത്തുന്നത്. ഒമുങ്ങ് കുമാറാണ് ചിത്രം സംവിധാനം ചെയ്യുന്നത്. മോദിയുടെ ചെറുപ്പകാലം മുതല് പ്രധാനമന്ത്രിയായി അധികാരമേല്ക്കുന്നതു വരെയുള്ള വിഷയങ്ങളാണ് സിനിമയില് പറയുന്നത്. ദര്ശന് കുമാര്, ബൊമാന് ഇറാനി, പ്രശാന്ത് നാരായണന്, സെറീന വഹാബ്, ബര്ഖ ബിഷ്ത് സെന്ഗുപ്ത, അന്ജന് ശ്രീവാസ്തവ് തുടങ്ങിയവര് ചിത്രത്തില് അഭിനയിക്കുന്നുണ്ട്.
മോദിയെ കുറിച്ചുള്ള ചിത്രം 2019 ലോക്സഭാ തിരഞ്ഞെടുപ്പിന് മുമ്പ് റിലീസ് ചെയ്യുന്നത് വോട്ടര്മാരെ സ്വാധീനിക്കുമെന്ന് ആരോപിച്ച് പ്രതിപക്ഷ പാര്ട്ടികള് രംഗത്തു വന്നിരുന്നു. കേസില് ഏപ്രില് എട്ടിനാണ് സുപ്രീം കോടതി വാദം കേള്ക്കുന്നത്. സിനിമ നാല് ബി.ജെ.പി അനുഭാവികളാണ് നിര്മ്മിക്കുന്നതെന്നും കോണ്ഗ്രസ് നേതാവായ അമന് പന്വാര് പരാതിയില് പറഞ്ഞിരുന്നു. നേരത്തെ മധ്യപ്രദേശ്, ബോംബെ ഹൈക്കോടതികള് സിനിമയുടെ റിലീസ് സ്റ്റേ ചെയ്യാന് വിസമ്മതിച്ചിരുന്നു