നൂറു കോടി ക്ലബ്ബില് ഇടംപിടിച്ച് വിജയകരമായി പ്രദര്ശനം തുടരുകയാണ് മമ്മൂട്ടിയുടെ “മാമാങ്കം”. ചിത്രത്തിലെ “പീലിത്തിരുമുടി” എന്ന ഗാനം പുറത്തെത്തി.
മമ്മൂട്ടിയുടെ സ്ത്രൈണ ഭാവവും ആരാധകരുടെ ശ്രദ്ധ പിടിച്ചുപറ്റിയിട്ടുണ്ട്. റഫീക് അഹമ്മദ് വരികളെഴുതി എം ജയചന്ദ്രന് സംഗീതൊരുക്കി യേശുദാസ് ആണ് ഗാനം ആലപിച്ചിരിക്കുന്നത്.
ഉണ്ണി മുകുന്ദന്, പ്രാചി ടെഹ്ലന്, അനു സിതാര, സിദ്ദിഖ്, തരുണ് അറോറ, സുദേവ് നായര്, ഇനിയ, കനിഹ, മണിക്കുട്ടന്, ജയന് ചേര്ത്തല, കവിയൂര് പൊന്നമ്മ, സുരേഷ് കൃഷ്ണ എന്നിങ്ങനെ വലിയ ഒരു താരനിര അണിനിരന്ന ഈ ചിത്രം നാല്പ്പതിലധികം രാജ്യങ്ങളിലാണ് റിലീസ് ചെയ്തത്. 55 കോടിയോളം മുതല്മുടക്കില് എം പദ്മകുമാര് ആണ് ചിത്രം സംവിധാനം ചെയ്തത്. കാവ്യ ഫിലിംസിന്റെ ബാനറില് വേണു കുന്നപ്പള്ളി ആണ് ചിത്രം നിര്മ്മിക്കുന്നത്.
ആദ്യ ദിനം തന്നെ 23 കോടിയ്ക്ക് മുകളില് കളക്ട് ചെയ്ത ചിത്രം നാലാം ദിനം 60 കോടി നേട്ടത്തിലെത്തിയിരുന്നു. ഈ മാസം 12നാണ് മാമാങ്കം തിയേറ്ററുകളില് എത്തിയത്. പുതിയ സാങ്കേതിക വിദ്യകള് പരമാവധി പ്രയോജനപ്പെടുത്തിയാണ് ചിത്രത്തിന്റെ വരവ്. തിരക്കഥ ഒരുക്കിയത് ശങ്കര് രാമകൃഷ്ണന്. മനോജ് പിള്ളയാണ് ഛായാഗ്രഹണം.