ഷാരൂഖ് ഖാനെ പ്രശംസിച്ച് ലോകപ്രശസ്ത എഴുത്തുകാരന് പൗലോ കൊയ്ലോ. പഠാന് സിനിമയുടെ വിജയത്തില് ആരാധകര്ക്ക് നന്ദി അറിയിച്ചുകൊണ്ട് ഷാരൂഖ് ട്വിറ്ററില് പങ്കുവെച്ച വീഡിയോ ഷെയര് ചെയ്താണ് പൗലോ കൊയ്ലോ താരത്തെ പ്രശംസിച്ചത്.’രാജാവ്, ഇതിഹാസം, സുഹൃത്ത്. എല്ലാത്തിലുമുപരി മികച്ച നടന്. പാശ്ചാത്യ രാജ്യങ്ങളില് അദ്ദേഹത്തെ അറിയാത്തവര്ക്കായി, ‘മൈ നേം ഈസ് ഖാന്’ – ഞാന് ഒരു തീവ്രവാദിയല്ല എന്ന സിനിമ നിര്ദേശിക്കുന്നു’, എന്നായിരുന്നു അദ്ദേഹം കുറിച്ചത്.
‘മൈ നേം ഈസ് ഖാന്’ എന്ന ചിത്രത്തെ പ്രശംസിച്ച് 2017 ല് പൗലോ കൊയ്ലോ രംഗത്തെത്തിയിരുന്നു. ചിത്രത്തിലെ ഷാരൂഖിന്റെ പ്രകടനത്തിന് ഓസ്കാര് അവാര്ഡ് നല്കണമെന്നും പൗലോ കൊയ്ലോ അന്ന് ട്വിറ്ററില് കുറിച്ചിരുന്നു.
കരണ് ജോഹര് സംവിധാനം ചെയ്ത് 2010 ഫെബ്രുവരി 12ന് പുറത്തിറങ്ങിയ ബോളിവുഡ് ചിതമാണ് മൈ നേം ഈസ് ഖാന്. മികച്ച സംവിധായകന്, മികച്ച നടന്, മികച്ച നടി എന്നീ വിഭാഗങ്ങളില് 2011 ലെ ഫിലിം ഫയര് പുരസ്കാരങ്ങള് ചിത്രത്തിന് ലഭിച്ചിരുന്നു.
അതേസമയം എട്ട് ദിവസത്തില് 417 കോടിയാണ് പഠാന് ഇന്ത്യയില് നിന്നും നേടിയിരിക്കുന്നത്. ഓവര്സീസില് 250 കോടിയും. ഇതോടെ ലോകമെമ്പാടുമായി 667 കോടിയാണ് ഷാരൂഖ് ഖാന് ചിത്രം സ്വന്തമാക്കിയിരിക്കുന്നത്.