ഒറ്റക്കൊമ്പന്റെ പുതിയ പോസ്റ്റര് റിലീസ് ചെയ്ത് . ഈസ്റ്റര് ദിനത്തോടനുബന്ധിച്ചാണ് പുതിയ പോസ്റ്റര് റിലീസ് ചെയ്തത്. ‘ഇനി ഉയര്ത്തെഴുന്നേല്പിന്റെ കാലം’ എന്ന ടാഗ് ലൈനോടെ പകുതി മറച്ച രീതിയില് സുരേഷ് ഗോപിയുടെ മുഖമാണ് പോസ്റ്ററില് കാണാന് സാധിക്കുന്നത്.
ഒറ്റക്കൊമ്പന് സുരേഷ് ഗോപിയുടെ 250-മത്തെ ചിത്രമാണ്. ചിത്രത്തിന്റെ ടൈറ്റില് പ്രഖ്യാപനം നടത്തിയത് വലിയ താരനിരതന്നെയായിരുന്നു. ചിത്രത്തില് പാലാക്കാരന് അച്ഛായനായിട്ടാണ് സുരേഷ് ഗോപി എത്തുന്നത്. മാത്യൂ തോമസ് പാലമൂട്ടില് സംവിധാനം ചെയ്യുന്ന ചിത്രം ഒരു മാസ് എന്റര്ടെയ്നറാണ്. ചിത്രത്തില് മുകേഷ്, ജോജു ജോര്ജ് എന്നിവരും പ്രധാന വേഷം ചെയ്യുന്നുണ്ട്.
അതേസമയം സിനിമ വിലക്കിയ ഹൈക്കോടതി ഉത്തരവ് സ്റ്റേ ചെയ്യണമെന്ന് ആവശ്യപ്പെട്ട് അണിയറ പ്രവര്ത്തകര് നല്കിയ ഹര്ജി സുപ്രീം കോടതി തള്ളിയിരുന്നു. സംവിധായകനുമായ ജിനു എബ്രഹാം നല്കിയ പരാതിയിന്മേലായിരുന്നു സിനിയമിക്ക് വിലക്ക് ഏര്പ്പെടുത്തിയത്. ഇതിനെതിരെയാണ് ഒറ്റക്കൊമ്പന്റെ അണിയറപ്രവര്ത്തകര് സുപ്രീം കോടതിയെ സമീപിച്ചത്. ഒറ്റക്കൊമ്പനെതിരെ ഫയല് ചെയ്ത കേസില് ഇടപെടേണ്ടതില്ല എന്ന് സുപ്രീം കോടതി തീരുമാനിക്കുകയായിരുന്നു. വിചാരണ നടപടികള് വേഗത്തിലാക്കുവാനും ഇരു കക്ഷികളുടെയും സഹകരണത്തോടെ കേസ് ഒരു വര്ഷത്തിനുള്ളില് തീര്പ്പാക്കുവാനും കോടതി ആവശ്യപ്പെട്ടു.
പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യുന്ന ‘കടുവ’ എന്ന സിനിമയുടെ കഥാ പശ്ചാത്തലവും കഥാപാത്രത്തിന്റെ പേരും ഉപയോഗിക്കുന്നു എന്നാരോപിച്ചാണ് ജിനു എബ്രഹാം എറണാകുളം ജില്ലാ കോടതിയെ സമീപിച്ചത്.