പുതിയ ചിത്രം “പവര് സ്റ്റാറി”ന്റെ ഷോ റീല് പങ്കുവച്ച് സംവിധായകന് ഒമര് ലുലു. ബാബു ആന്റണി, ബാബു രാജ്, അബു സലീം, റിയാസ് ഖാന്, ഹോളിവുഡ് താരം ലൂയിസ് മാന്ഡ്ലോര്, അമേരിക്കന് ബോക്സിങ് ഇതിഹാസം റോബേര്ട് പര്ഹാം, കന്നഡ താരം ശ്രേയസ് മഞ്ജു എന്നീ താരങ്ങളുടെ മുന്കാല ചിത്രങ്ങളിലെ ആക്ഷന് രംഗങ്ങള് ഉള്പ്പെടുത്തിയാണ് ഷോ റീല് എത്തിയിരിക്കുന്നത്.
ന്യൂഡല്ഹി, രാജാവിന്റെ മകന് തുടങ്ങിയ ഹിറ്റ് ചിത്രങ്ങള് ഒരുക്കിയ തിരക്കഥാകൃത്ത് ഡെന്നീസ് ജോസഫ് ആണ് പവര് സ്റ്റാറിന് തിരക്കഥ ഒരുക്കുന്നത്. ഹാപ്പി വെഡ്ഡിംഗ്, ചങ്ക്സ്, അഡാര് ലവ്, ധമാക്ക തുടങ്ങിയ കോമഡി, റൊമാന്റിക് ചിത്രങ്ങള് ഒരുക്കിയ ഒമര് ലുലുവിന്റെ ആദ്യ മാസ് ആക്ഷന് സിനിമയാണ് പവര് സ്റ്റാര്.
തെന്നിന്ത്യയിലെ കൊക്കൈന് അധോലോകമാണ് ചിത്രത്തിന്റെ പ്രമേയം. ചിത്രത്തില് നായികയോ പാട്ടുകളോ ഇല്ല. മംഗലാപുരം, കാസര്ഗോഡ്, കൊച്ചി എന്നിവയാണ് സിനിമയുടെ ലൊക്കേഷനുകള്. മാഷപ്പ് വീഡിയോകള് ഒരുക്കി ശ്രദ്ധേയനായ ലിന്റോ കുര്യന് ആണ് ഷോ റീല് വീഡിയോയുടെ എഡിറ്റര്.
അതേസമയം, പവര് സ്റ്റാറില് കേന്ദ്ര കഥാപാത്രമാകുന്ന ബാബു ആന്റണിയുടെ ലുക്ക് പുറത്തുവിട്ടിരുന്നു. നീണ്ട മുടിയും കാതില് കുരിശിന്റെ കമ്മലുമിട്ട് മാസ് ലുക്കിലാണ് ചിത്രത്തില് ബാബു ആന്റണി എത്തുന്നത്.