ഒരു അഡാറ് ലവിനു ശേഷം ഒമര് ലുലു സംവിധാനം ചെയ്യുന്ന പുതിയ ചിത്രമായ ധമാക്ക റിലീസിന് തയ്യാറെടുക്കുകയാണ്. ചിത്രം ഡിസംബര് 20 ന് ക്രിസ്മസ് റിലീസായാവും തിയേറ്ററുകളിലെത്തുക. ഇപ്പോഴിതാ ചിത്രത്തിന്റെ മേക്കിംഗ് വീഡിയോ പുറത്തുവിട്ടിരിക്കുകയാണ് അണിയറ പ്രവര്ത്തകര്. ഒരു കളര്ഫുള് ബാക്ക് ടു ബാക്ക് കോമഡി ചിത്രമായാണ് ധമാക്ക ഒരുങ്ങിയിരിക്കുന്നത്. ചിത്രത്തിന്റേതായി പുറത്തിറങ്ങിയ ഗാനങ്ങള് ഇതിനോടകം സോഷ്യല് മീഡിയയില് ശ്രദ്ധ നേടിയിട്ടുണ്ട്.
ഒളിമ്പ്യന് അന്തോണി ആദം എന്ന ചിത്രത്തില് മോഹന്ലാലിനൊപ്പം ടോണി ഐസക് എന്ന കഥാപാത്രത്തെ മനോഹരമാക്കിയ അരുണാണ് ധമാക്കയില് നായകന്. ഒമര് ലുലുവിന്റെ നാലാമത്തെ ചിത്രമായ ധമാക്കയില് സലിം കുമാര്, ഇന്നസെന്റ്, സാബുമോന്, മുകേഷ്, ഉര്വ്വശി, നിക്കി ഗല്റാണി, നേഹ, ഹരീഷ് കണാരന്, ധര്മജന് ബോള്ഗാട്ടി, ഷാലിന് സോയ തുടങ്ങി വന്താരനിരയാണ് അണിനിരക്കുന്നത്.
ഗുഡ് ലൈന് പ്രൊഡക്ഷന്സ് അവതരിപ്പിക്കുന്ന ധമാക്ക എം കെ നാസര് ആണ് നിര്മ്മിക്കുന്നത്. സാരംഗ് ജയപ്രകാഷ്, വേണു ഓവി കിരണ് ലാല് എന്നിവര് ചേര്ന്നാണ് തിരക്കഥയും സംഭാഷണവും ഒരുക്കുന്നത്. ഗോപി സുന്ദര് ആണ് സംഗീതം. ഛായാഗ്രഹണം സിനോജ് പി അയ്യപ്പന്.