ഇന്ന് 36ാം ജന്മദിനം ആഘോഷിക്കുകയാണ് യുവതാരം നിവിന് പോളി. പ്രിയ താരത്തിന് ആശംസകള്‍ നേര്‍ന്ന് സിനിമാലോകവും ആരാധകരും രംഗത്തെത്തിയിട്ടുണ്ട്. നിവിന് ജന്‍മദിന സമ്മാനവുമായി എത്തിയിരിക്കുകയാണ് “പടവെട്ട്” സിനിമ ടീമും. ചിത്രത്തിന്റെ ലൊക്കേഷനില്‍ നിന്നുള്ള ദൃശ്യങ്ങള്‍ കോര്‍ത്തിണക്കിയ വീഡിയോയാണ് അണിയറപ്രവര്‍ത്തകര്‍ റീലീസ് ചെയ്തിരിക്കുന്നത്.
സണ്ണി വെയ്ന്‍ പ്രൊഡക്ഷന്‍സിന്റെ ബാനറില്‍ നവാഗതനായ ലിജു കൃഷ്ണ തിരക്കഥ എഴുതി സംവിധാനം ചെയ്യുന്ന ചിത്രമാണ് പടവെട്ട്. സണ്ണി വെയ്ന്‍ ആദ്യമായി നിര്‍മ്മിക്കുന്ന ചിത്രം കൂടിയാണിത്. അരുവി എന്ന ചിത്രത്തിലൂടെ ശ്രദ്ധേയായ താരം അദിതി ബാലനാണ് നായിക.
മഞ്ജു വാര്യരും ഒരു പ്രധാന കഥാപാത്രമായി ചിത്രത്തിലെത്തുന്നു. ഷൈന്‍ ടോം ചാക്കോ, ഷമ്മി തിലകന്‍, ഇന്ദ്രന്‍സ്, വിജയരാഘവന്‍, കൈനകിരി തങ്കരാജ്, ബാലന്‍ പാറക്കല്‍ തുടങ്ങിയവരാണ് മറ്റു അഭിനേതാക്കള്‍. പടവെട്ടിനായി നിവിന് ശരീരഭാരം കൂട്ടിയിരുന്നു. താരത്തിന്റെ ലുക്ക് നേരത്തെ ആരാധകര്‍ ഏറ്റെടുത്തിരുന്നു.
സംവിധായകന്‍ ശരീരഭാരം കൂട്ടാന്‍ ആവശ്യപ്പെട്ടു. ലോക്ഡൗണ്‍ കാരണം പത്തു കിലോ തൂക്കം കൂടുതല്‍ വര്‍ദ്ധിപ്പിക്കാന്‍ സാധിച്ചെന്നും നിവിന് ടൈംസ് ഓഫ് ഇന്ത്യയോട് പറഞ്ഞിരുന്നു. ജൂലൈയില്‍ ഷൂട്ടിംഗ് ആരംഭിക്കാനിരുന്നെങ്കിലും ചെയ്തില്ല. കോവിഡ് സ്ഥിതിഗതികള്‍ ശാന്തമാകുന്നതോടെ ആകും ഇനി ഷൂട്ടിംഗ് ആരംഭിക്കുക.