‘പള്ളിമണി’ എന്ന സിനിമയിലൂടെ തിരിച്ചു വരവിന് ഒരുങ്ങുകയാണ് നടി നിത്യ ദാസ്. വിവാഹത്തിന് ശേഷമായിരുന്നു നിത്യ സിനിമയില് നിന്നും വിട്ടു നിന്നത്. നിലവില് ടെലിവിഷന് പരിപാടികളില് ജഡ്ജായും നിത്യ എത്തുന്നുണ്ട്. അതുകൊണ്ട് തന്നെ താരത്തിന് നിരവധി ആരാധകരുമുണ്ട്.
വലിയൊരു ദുരന്തം ഒഴിവായ വാര്ത്തയാണ് ഇപ്പോള് പുറത്തു വരുന്നത്. കൊടുവള്ളിയില് ഒരു ബ്യൂട്ടിപാര്ലര് ഉദ്ഘാടനത്തിന് വേണ്ടി എത്തിയതായിരുന്നു നിത്യ ദാസ്. ഉദ്ഘാടനത്തിന് ശേഷം എല്ലാവരും നിത്യയെ പരിചയപ്പെടുന്നതിന്റെയും സെല്ഫിയും ഫോട്ടോയും എടുക്കുന്നതിന്റെയും തിരക്കിലായിരുന്നു.
ഇതിനിടെ നിത്യയ്ക്കൊപ്പം നിന്ന് ഫോട്ടോ എടുക്കാനായി എത്തിയ സ്ത്രീകളുടെ മുടിക്ക് തീപിടിക്കുകയായിരുന്നു. സ്ത്രീകള് ആദ്യം സെല്ഫി എടുത്തു. അതിന് ശേഷം ഫോട്ടോയ്ക്ക് പോസ് കൊടുക്കവെയാണ് പിന്നില് കത്തിച്ചുവച്ച മെഴുകുതിരിയില് നിന്നും തീ മുടിയില് പിടിച്ചത്.
തീ നന്നായി കത്തി തുടങ്ങിയപ്പോള് തന്നെ നിത്യ ഇത് കണ്ടു. പേടിച്ച് കൂവി വിളിച്ച് നടി ഓടിയതോടെയാണ് മറ്റുള്ളവരും അത് കണ്ടത്. പെട്ടെന്ന് അണച്ചത് കാരണം വലിയ അപകടം ഉണ്ടായില്ല. സാരിയില് തീ പിടിക്കാത്തത് തന്നെ ഭാഗ്യം. പെട്ടന്ന് താന് പേടിച്ചു പോയി എന്ന് നിത്യ ദാസ് പിന്നീട് പറയുന്നതും വീഡിയോയില് കാണാം.