സിനിമ പ്രേമികളെ വിസ്മയിപ്പിച്ച ബാഹുബലിയ്ക്ക് ശേഷം പ്രഭാസ് നാകയനായെത്തുന്ന പുതിയ ചിത്രം സാഹോയുടെ ആദ്യ പോസ്റ്റര് പുറത്തിറങ്ങി. പ്രഭാസ് തന്നെയാണ് സോഷ്യല് മീഡിയയിലൂടെ ഫസ്റ്റ് ലുക്ക് റിലീസ് ചെയ്തത്. ആരാധകര്ക്ക് സര്പ്രൈസ് ഉണ്ടെന്നറിയിച്ച് പ്രഭാസ് കഴിഞ്ഞ ദിവസം വീഡിയോ പോസ്റ്റ് ചെയ്തിരുന്നു. ബാഹുബലി 2 വിന് ശേഷം പ്രഭാസിന്റേതായി തിയേറ്ററുകളിലെത്താനൊരുങ്ങുന്ന ചിത്രമാണ് സാഹോ.
ഹിന്ദി, തമിഴ്, തെലുങ്ക് ഭാഷകളില് റിലീസിംഗിന് ഒരുങ്ങുന്ന ബിഗ് ബജറ്റ് ചിത്രമാണ് സാഹോ. ചിത്രത്തിന്റെ ആക്ഷന് രംഗങ്ങള്ക്ക് മാത്രം 90 കോടി രൂപയാണ് ചെലവെന്നാണ് റിപ്പോര്ട്ട്. ഹോളിവുഡ് ആക്ഷന് സംവിധായകന് കെന്നി ബേറ്റസാണ് ആക്ഷന് രംഗങ്ങള് കൈകാര്യം ചെയ്യുന്നത്. ട്രാന്സ്ഫോര്മേഴ്സ്, റഷ് അവര് തുടങ്ങിയ സിനിമകളുടെ ആക്ഷന് സംവിധായകനാണ് ഇദ്ദേഹം.സുജീത് ആണ് ചിത്രം സംവിധാനം ചെയ്യുന്നത്.
ടി സീരീസും, യു.വി. ക്രിയേഷന്സും ഒരുമിച്ചാണ് ചിത്രത്തിന്റെ നിര്മ്മാണം നിര്വഹിക്കുന്നത്. ജാക്കി ഷ്റോഫ്, മന്ദിര ബേദി, നീല് നൈറ്റിന് മുകേഷ്, ചങ്കി പാണ്ഡെ, അരുണ് വിജയ് മുരളി ശര്മ്മ എന്നിവരടങ്ങിയ വമ്പന് താരനിരയാണ് ചിത്രത്തിലുള്ളത്. ശങ്കര് ഇശാന് ലോയ് ത്രയം സംഗീതം നിര്വഹിക്കുന്ന ചിത്രത്തിന്റെ ഛായാഗ്രഹണം ആര്. മഥിയും എഡിറ്റിങ് ശ്രീകര് പ്രസാദുമാണ് നിര്വഹിക്കുന്നത്. ഓഗസ്റ്റ് 15നു ചിത്രം തിയേറ്ററുകളിലെത്തുമെന്നാണ് കരുതുന്നത്.