ഇളയദളപതി വിജയുടെ വാരിസ് തീയേറ്ററുകളില് മികച്ച പ്രതികരണം നേടി മുന്നേറുകയാണ്. ഇപ്പോഴിതാ തീയേറ്ററുകളില് വാരിസ് മികച്ച പ്രതികരണം നേടി മുന്നേറുമ്പോള് താരത്തിന്റെ പേര് ഗോസിപ്പ് കോളങ്ങളില് നിറയുകയാണ്.
റിലീസിന് മുന്നോടിയായിത്തന്നെ വിജയുടെ പേരില് ഗോസിപ്പുകള് പ്രചരിച്ചിരുന്നു. നടന് ഭാര്യ സംഗീതയുമായി വേര്പിരിഞ്ഞെന്നും നടി കീര്ത്തി സുരേഷിന്റെ കൂടെയാണ് താമസമെന്നുമൊക്കെ ആരോപണം വന്നു. ഇപ്പോഴിതാ ഒടുവില് പിതാവുമായി നടന് അകന്ന് കഴിയാനുള്ള കാരണത്തെക്കുറിച്ചുള്ള ചില പുതിയ അഭ്യൂഹങ്ങള് പരന്നിരിക്കുകയാണ്.
വിജയുടെ ആരാധികയായ ശ്രീലങ്കന് സ്വദേശിനിയായ സംഗീതയൊണ് നടന് വിവാഹം കഴിച്ചത്. വീട്ടുകാരുടെ സമ്മതത്തോട് കൂടിയുള്ള വിവാഹമായിരുന്നു. വിജയും പിതാവും തമ്മില് എന്തോ പ്രശ്നമുണ്ടെന്ന് വര്ഷങ്ങള്ക്ക് മുന്പേ തന്നെ പ്രചരണമുണ്ടായിരുന്നു.
ഭാര്യ സംഗീത കാരണമാണ് വിജയ് മാതാപിതാക്കളില് നിന്നും വേര്പിരിഞ്ഞ് താമസിക്കുന്ന സ്ഥിതിയിലേക്ക് കാര്യങ്ങളെത്തിയതെന്നാണ് സോഷ്യല്മീഡിയയില് പ്രചരിക്കുന്ന അഭ്യൂഹം.
എസ് ചന്ദ്രശേഖറായിരുന്നു മകനും നടനുമായ വിജയുടെ സിനിമയുടെ കാര്യങ്ങളൊക്കെ നോക്കിയിരുന്നത്. തോക്ക് എന്ന സിനിമ വരെയും കാര്യങ്ങള് അങ്ങനെ പോയി. പിതാവാണ് സിനിമയുടെ കഥ കേള്ക്കുകയും പ്രതിഫലം ചോദിച്ച് വാങ്ങിക്കുകയുമൊക്കെ ചെയ്തിരുന്നത്.
എന്നാല് ഇക്കാര്യങ്ങളൊക്കെ നിങ്ങള്ക്ക് തന്നെ നോക്കിയാല് പോരെ എന്ന അഭിപ്രായമാണ് ഭാര്യ സംഗീത മുന്നോട്ട് വെച്ചത്. അതോടെയാണ് പിതാവ് മാറി നില്ക്കുകയും വിജയ് തന്നെ കാര്യങ്ങള് ശ്രദ്ധിക്കാന് തുടങ്ങുകയും ചെയ്തുവെന്നാണ് ഗോസിപ്പ് കോളങ്ങള് പറയുന്നത്.