ഹിറ്റ് മേക്കര് ജോഷി സംവിധാനം ചെയ്ത പൊറിഞ്ചു മറിയം ജോസ് തിയേറ്ററുകളില് ജൈത്രയാത്ര തുടരുകയാണ്. ഇപ്പോഴിതാ പൊറിഞ്ചുവായി ജോജു ജോര്ജും മറിയമായി നൈല ഉഷയും തകര്ത്തഭിനയിച്ച ചിത്രത്തിലെ നീല മാലാഖേ എന്ന ഗാനം പുറത്തെത്തി.
“നീല മാലാഖേ” എന്ന് തുടങ്ങുന്ന ഗാനം ജോജുവിന്റെ പൊറിഞ്ചുവിനും നൈലയുടെ മറിയത്തിനും ഇടയിലുള്ള പ്രണയത്തെയാണ് ദൃശ്യവത്കരിക്കുന്നത്. വളരെ മനോഹരമായാണ് ജോഷി ഇരുവരുടെയും പ്രണയം ചിത്രീകരിച്ചിരിക്കുന്നത്.
ജേക്സ് ബിജോയ് ആണ് സംഗീതം. ബി കെ ഹരിനാരായണന്റെ വരികള്. കേശവ് വിനോദ് ആണ് മനോഹരമായ ഈ പ്രണയഗാനം ആലപിച്ചിരിക്കുന്നത്. ഡേവിഡ് കാച്ചപ്പിള്ളി പ്രൊഡക്ഷന്സ് അവതരിപ്പിച്ച്, കീര്ത്തന മൂവീസിന്റെ ബാനറില് റെജി മോന് നിര്മിക്കുന്ന ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എന് ചന്ദ്രന് ആണ്.