പുതിയ ഹെയര്സ്റ്റൈലുമായി നടി നസ്രിയ. ഇന്ന് സ്വാതന്ത്ര്യ ദിനത്തോട് അനുബന്ധിച്ച് താരം ഇന്സ്റ്റഗ്രാമില് പങ്കുവച്ച പോസ്റ്റ് ആണ് ഇപ്പോള് വൈറലാകുന്നത്. മുടി മുറിച്ച് പുതിയ ഹെയര് സ്റ്റൈല് പരീക്ഷിക്കുന്ന ചിത്രമാണ് നസ്രിയ പോസ്റ്റ് ചെയ്തിരിക്കുന്നത്. ഇതിന് നല്കിയ ക്യാപ്ഷനാണ് വൈറാലകുന്നത്.
‘ഉമ്മ ഇന്ന് എന്നെ കൊല്ലും’ എന്നാണ് ക്യാപ്ഷനായി നസ്രിയ നല്കിയിരിക്കുന്നത്. മുടി എത്രത്തോളം മുറിച്ചെന്ന് കാണിക്കുന്ന രീതിയില് മുറിച്ച മുടി പിടിച്ചിരിക്കുന്ന ചിത്രങ്ങളും പുതിയ ഹെയര് സ്റ്റൈലിന് ശേഷമുള്ള ചിത്രങ്ങളുമൊക്കെ നടി പോസ്റ്റ് ചെയ്തിട്ടുണ്ട്.
സ്വന്തം മുടി മുറിക്കാനുള്ള സ്വാതന്ത്ര്യം ഇല്ല എന്നാണോ ഇതിലൂടെ നസ്രിയ ഉദ്ദേശിച്ചതെന്ന് ചോദിക്കുകയാണ് ആരാധകര്. ഉമ്മ ഇനി എന്തൊക്കെ പറഞ്ഞാലും നസ്രിയയ്ക്ക് ഷോര്ട്ട് ആയിട്ടുള്ള മുടി തന്നെയാണ് നല്ലത്. ഇപ്പോഴത്തെ ലുക്കില് ട്രാന്സ് എന്ന സിനിമയിലെ കഥാപാത്രമായി തോന്നും എന്നിങ്ങനെയുള്ള കമന്റുകളാണ് ലഭിക്കുന്നത്.
അതേസമയം, ബാംഗ്ലൂര് ഡെയ്സ് എന്ന സിനിമയില് ഒരുമിച്ച് അഭിനയിച്ചപ്പോഴാണ് നസ്രിയയും ഫഹദ് ഫാസിലും ഇഷ്ടത്തിലാവുന്നത്. അങ്ങനെ 2014 ലാണ് താരങ്ങള് വിവാഹിതരാവുന്നത്. ‘സൂക്ഷ്മദര്ശിനി’ എന്ന സിനിമയാണ് വരാനിരിക്കുന്ന നസ്രിയയുടെ പുതിയ ചിത്രം. ബേസില് ജോസഫ് നായകനാകുന്ന ചിത്രത്തിന്റെ ഷൂട്ടിങ് ദിവസങ്ങള്ക്ക് മുമ്പാണ് പൂര്ത്തിയായത്.