ബേസില് ജോസഫ് ചിത്രത്തില് നായികയായി നസ്രിയ. എം.സി ജിതിന് സംവിധാനം ചെയ്യുന്ന ‘സൂക്ഷ്മദര്ശനി’ എന്ന പേരിട്ടിരിക്കുന്ന ചിത്രത്തിലാണ് ഇരുവരും ഒരുമിച്ച് അഭിനയിക്കുന്നത്. സിനിമയുടെ ചിത്രീകരണം ആരംഭിച്ചു കഴിഞ്ഞു. സിദ്ധാര്ഥ് ഭരതനും ചിത്രത്തില് പ്രധാന വേഷത്തിലെത്തും.
സമീര് താഹിര്, ഷൈജു ഖാലിദ്, എ വി അനൂപ് എന്നിവര് ചേര്ന്നാണ് ചിത്രം നിര്മ്മിക്കുന്നത്. അതേസമയം, ബേസിലിന്റെതായി ഒടുവില് തിയേറ്ററുകളിലെത്തിയ ‘ഗുരുവായൂര് അമ്പലനടയില്’ വിജയകരമായി പ്രദര്ശനം തുടരുകയാണ്. ആഗോളതലത്തില് ചിത്രം 75 കോടി രൂപയാണ് ചിത്രം നേടിയിരിക്കുന്നത്.
അണ്ടേ സുന്ദരാനികി എന്ന തെലുങ്ക് ചിത്രത്തിന് ശേഷം നസ്രിയ അഭിനയിക്കാനൊരുങ്ങുന്ന മലയാള ചിത്രമാണ് സൂക്ഷ്മദര്ശനി. പ്രിയദര്ശിനി എന്ന കഥാപാത്രമായാണ് നസ്രിയ സൂക്ഷ്മദര്ശിനിയില് വേഷമിടാന് ഒരുങ്ങുന്നത്. 2020ല് പുറത്തിറങ്ങിയ മണിയറയിലെ അശോകന് ആയിരുന്നു നസ്രിയയുടെതായി ഒടുവില് പുറത്തിറങ്ങിയ മലയാള ചിത്രം.
2018ല് പുറത്തിറങ്ങിയ നോണ്സെന്സ് എന്ന ചിത്രത്തിന് ശേഷം എം.സി ജിതിന് സംവിധാനം ചെയ്യുന്ന ചിത്രമാണിത്. ജിതിന് തന്നെ തിരക്കഥ ഒരുക്കി സംവിധാനം ചെയ്ത സിനിമയായിരുന്നു നോണ്സെന്സ്.