ചിരഞ്ജീവിയെ നായകനാക്കി മോഹന്‍രാജ ഒരുക്കുന്ന ചിത്രം ‘ഗോഡ്ഫാദറിലെ നയൻതാരയുടെ ക്യാരക്ടർ പോസ്റ്റർ പുറത്ത് വിട്ടു. സത്യപ്രിയ ജയ്ദേവ് എന്ന കഥാപാത്രത്തെയാണ് ചിത്രത്തിൽ നയൻതാര അവതരിപ്പിക്കുന്നത്. ചിത്രത്തിലെ നിർണായക കഥാപാത്രമാണ് ഇത്. ടിറ്റ്വറിലൂടെയാണ് ആദ്യ കാഴ്ച പങ്കുവെച്ചത്.
ചിരഞ്ജീവി, നായൻതാര എന്നിവർക്ക് പുറമേ സല്‍മാന്‍ ഖാനും ചിത്രത്തിൽ പ്രധാന വേഷത്തിലെത്തുന്നുണ്ട്. മലയാള ചിത്രം മലയാള ചിത്രം ‘ലൂസിഫറി’ന്റെ റീമേക്കായി ഒരുങ്ങുന്ന സിനിമയിലെ മഞ്ജു വാര്യരുടെ കഥാപാത്രത്തെയാണ് നയൻതാര അവതരിപ്പിക്കുന്നത്.
പൃഥ്വിരാജ് അവതരിപ്പിച്ച സയീദ് മസൂദ് എന്ന ഗ്യാങ്സ്റ്റര്‍ കഥാപാത്രത്തിന്റെ റോളില്ലാണ് സല്‍മാന്‍ ഖാൻ എത്തുന്നത്. കോനിഡേല പ്രൊഡക്ഷൻ കമ്പനിയും സൂപ്പര്‍ ഗുഡ് ഫിലിംസും ചേര്‍ന്നൊരുക്കുന്ന ചിത്രം ഒക്ടോബര്‍ അഞ്ചിന് തിയേറ്ററുകളില്‍ എത്തും.
ചിത്രത്തിലെ ആദ്യ ഗാനം ഉടൻ പുറത്തു വിടുമെന്നും റിപ്പോർട്ടുകളുണ്ട്. ചിരഞ്ജീവിയുടെ ജന്മദിനത്തോടനുബന്ധിച്ച് പുറത്തുവിട്ട ചിത്രത്തിന്റെ ടീസറിന് മികച്ച സ്വീകാര്യതയും വമ്പിച്ച പ്രതികരണവും ലഭിച്ചിരുന്നു. ചിരഞ്ജീവിക്കൊപ്പം സല്‍മാന്‍ ഖാനും നയന്‍താരയും ടീസറില്‍ പ്രത്യക്ഷപ്പെടുന്നുണ്ട്.