തന്റെ റിലേഷന്‍ഷിപ്പ് സ്റ്റാറ്റസ് വ്യക്തമാക്കി നടന്‍ നസ്‌ലിന്‍. താന്‍ സിംഗിള്‍ അല്ല, കമ്മിറ്റഡ് ആണ് എന്നാണ് നസ്‌ലിന്‍ വെളിപ്പെടുത്തിയിരിക്കുന്നത്. അടുത്തിടെ നല്‍കിയ ഒരു അഭിമുഖത്തിലാണ് നസ്‌ലിന്‍ ഇക്കാര്യം വ്യക്തമാക്കിയത്. ഇതോടെ നടന്റെ പ്രണയിനി ആരാണ് എന്ന അന്വേഷണത്തിലാണ് സോഷ്യല്‍ മീഡിയ.
”നസ്‌ലിന്‍ കമ്മിറ്റഡ് ആണ്, ട്രൂ ഓര്‍ ഫാള്‍സ്” എന്ന ചോദ്യത്തോട്, ‘അത് അറിഞ്ഞിട്ടും വലിയ കാര്യമൊന്നുമില്ല ആള്‍ക്കാര്‍ക്ക്’ എന്ന മറുപടിയാണ് നസ്‌ലിന്‍ നല്‍കുന്നത്. ‘ഉണ്ട് കാര്യമുണ്ട്’ എന്ന അവതാരക പറഞ്ഞതോടെ ‘കമ്മിറ്റഡ് ആണ്’ എന്ന് നസ്‌ലിന്‍ സമ്മതിക്കുകയായിരുന്നു.
ഇതോടെ യുവനടി അനാര്‍ക്കലി നാസര്‍ ആണ് നടന്റെ പ്രണയിനി എന്ന അഭ്യൂഹങ്ങളാണ് ഉയര്‍ന്നു വരുന്നത്. നസ്‌ലിന്‍ അനാര്‍ക്കലിയുമായി പ്രണയത്തിലാണ് എന്ന അഭ്യൂഹങ്ങള്‍ നേരത്തെയും പ്രചരിച്ചിരുന്നു. അനാര്‍ക്കലിക്ക് ഒപ്പമുള്ള നസ്‌ലിന്റെ ചിത്രങ്ങളും വീഡിയോകളുമെല്ലാം സോഷ്യല്‍ മീഡിയയില്‍ വൈറലായിരുന്നു.
മോഡല്‍ കൂടിയായ അനാര്‍ക്കലി ‘മോഹന്‍കുമാര്‍ ഫാന്‍സ്’ എന്ന ചിത്രത്തില്‍ കുഞ്ചാക്കോ ബോബന്റെ നായികയായിട്ടാണ് അഭിനയരംഗത്തേക്ക് എത്തിയത്. ‘എന്റെ ഇക്കാക്കൊരു പ്രേമോണ്ടാര്‍ന്ന്’ എന്ന ചിത്രത്തിലും അനാര്‍ക്കലി അഭിനയിച്ചിട്ടുണ്ട്. അത്സേമയം, ആലപ്പുഴ ജിംഖാന ആണ് നസ്‌ലിന്റെതായി ഒടുവില്‍ തിയേറ്ററുകളില്‍ എത്തിയത്.
