ദിലീപിനെ നായകനാക്കി സുഗീത് സംവിധാനം ചെയ്യുന്ന “മൈ സാന്റാ” ട്രെയിലറിന് സോഷ്യല് മീഡിയയില് വമ്പന് സ്വീകാര്യത. പുറത്തിറങ്ങി ഒരു ദിനം പിന്നിടുമ്പോള് ട്രെയിലറിന് ആറു ലക്ഷത്തിനടുത്ത് കാഴ്ച്ചക്കാരുണ്ട്. യൂട്യൂബ് ട്രെന്ഡിംഗിലും ട്രെയിലര് മൂന്നാമതായുണ്ട്. വളരെ രസകരമായിട്ടാണ് ട്രെയിലര് അണിയിച്ചൊരുക്കിയിരിക്കുന്നത്. ക്രിസ്മസിന് കുടുംബത്തോടൊപ്പം തിയേറ്ററില് പോയി ആസ്വദിക്കാന് കഴിയുന്ന ഒരു നല്ല ചിത്രമായിരിക്കും ഇതെന്ന ഉറപ്പാണ് ട്രെയിലര് നല്കുന്നത്.
സണ്ണി വെയ്ന്, കലാഭവന് ഷാജോണ്, സിദ്ധിഖ്, ഇന്ദ്രന്സ്, ധര്മ്മജന് ബോള്ഗാട്ടി, സായ്കുമാര്, ശശാങ്കന്, ധീരജ് രത്നം, മഞ്ജു പത്രോസ്, ബേബി മാനസ്വി തുടങ്ങി വന് താരനിരയാണ് ചിത്രത്തില് അണിനിരക്കുന്നത്. അനുശ്രീയാണ് ചിത്രത്തിസെ നായിക. ചിത്രത്തിലെ ദിലീപിന്റെ ലുക്കുകള് ഇതിനോടകം തന്നെ സോഷ്യല് മീഡിയയില് ശ്രദ്ധ നേടിയിട്ടുണ്ട്. ദിലീപിന്റെ സാന്റാ കഥാപാത്രവും ഒരു കുട്ടിയും തമ്മിലുള്ള ബന്ധത്തിന്റെ കഥയാണ് മൈ സാന്റാ.
വാള് പോസ്റ്റര് എന്റര്ടൈയ്ന്മെന്റ്സിന്റെ ബാനറില് നിഷാദ് കോയ, അജീഷ് ഒ കെ, സരിത സുഗീത് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ തിരക്കഥ, സംഭാഷണം ജെമിന് സിറിയക് ആണ് നിര്വ്വഹിച്ചിരിക്കുന്നത്. ഫൈസല് അലി ഛായാഗ്രഹണം നിര്വ്വഹിക്കുന്നു. സന്തോഷ് വര്മ്മ, നിഷാദ് അഹമ്മദ് എന്നിവരുടെ വരികള്ക്ക് വിദ്യാസാഗര് സംഗീതം പകരുന്നു. ക്രിസ്മസ് റിലീസായി ചിത്രം തിയേറ്ററുകളിലെത്തും.