ദിലീപിനെ നായകനാക്കി സുഗീത് സംവിധാനം ചെയ്യുന്ന “മൈ സാന്റാ”യുടെ സെന്സറിംഗ് പൂര്ത്തിയായി. ചിത്രത്തിന് ക്ലീന് യു സര്ട്ടിഫിക്കറ്റാണ് ലഭിച്ചിരിക്കുന്നത്. സാന്റാക്ലോസും ഏഴ് വയസുകാരിയായ കുട്ടിയും തമ്മിലുള്ള ആത്മബന്ധത്തിന്റെ കഥയാണ് ചിത്രം പറയുന്നത്. എല്ലാ ചേരുവകളും അടങ്ങിയ ഒരു കുടുംബചിത്രമാണ് മൈ സാന്റ എത്തുന്നത്.
ബേബി മാനസിയാണ് ഏഴ് വയസുകാരി കുട്ടിയെ അവതരിപ്പിക്കുന്നത്. അനുശ്രീയാണ് ചിത്രത്തിലെ നായിക. സായ് കുമാര്, സിദ്ധിഖ്, കലാഭവന് ഷാജോണ്, ഇന്ദ്രന്സ്, ധര്മ്മജന് ബോള്ഗാട്ടി, ശശാങ്കന്, ധീരജ് രത്നം, മഞ്ജു പത്രോസ്, തുടങ്ങിയവും അഭിനയിക്കുന്നു. ചിത്രത്തിന്റെ ട്രെയിലറും ഗാനങ്ങളും ഇതിനോടകം ശ്രദ്ധ നേടിയിട്ടുണ്ട്.
വാള് പോസ്റ്റര് എന്റര്ടൈയ്ന്മെന്റ്സിന്റെ ബാനറില് നിഷാദ് കോയ, സജിത്ത്, അജീഷ് ഒ.കെ., സരിത സുഗീത് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ തിരക്കഥ, സംഭാഷണം ജെമിന് സിറിയക് ആണ് നിര്വഹിച്ചിരിക്കുന്നത്. ഫൈസല് അലി ഛായാഗ്രഹണം. സന്തോഷ് വര്മ്മ, നിഷാദ് അഹമ്മദ് എന്നിവരുടെ വരികള്ക്ക് വിദ്യാസാഗര് സംഗീതം പകരുന്നു. ഈ മാസം 25ന് ചിത്രം റിലീസിനെത്തും.