കപ്പേള എന്ന സിനിമയ്ക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന മുറ എന്ന ചിത്രത്തിന്റെ ടീസർ തരംഗമാകുന്നു. റിലീസ് ചെയ്ത് മണിക്കൂറുകൾക്കുള്ളിൽ യൂട്യൂബ് ട്രെൻഡിങ്ങിൽ മൂന്നാം സ്ഥാനത്തെത്തിയിരിക്കുകയാണ് ടീസർ. ഒരു മില്യണിലധികം ആളുകൾ ഇതിനോടകം തന്നെ ടീസർ കണ്ടു കഴിഞ്ഞു.
തലസ്ഥാന നഗരിയുടെ പശ്ചാത്തലത്തിൽ കഥ പറയുന്ന ചിത്രമാണ് മുറ. ആക്ഷൻ രംഗങ്ങളാൽ സമ്പന്നമാണ് ടീസർ. കപ്പേളക്ക് കിട്ടിയ പ്രേക്ഷക പ്രശംസയും അംഗീകാരങ്ങൾക്കും ശേഷം മുസ്തഫ ഒരുക്കുന്ന മുറ ഒരു വിഷ്വൽ ട്രീറ്റ് തന്നെയാണെന്ന് ടീസറിലൂടെ മനസിലാക്കാം.
സുരാജ് വെഞ്ഞാറമൂട്, ഹ്രിദ്ധു ഹാറൂൺ, മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്ണാ,വിഘ്‌നേശ്വർ സുരേഷ്, കൃഷ് ഹസ്സൻ, സിബി ജോസഫ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിക്കുന്നത്.
ക്യാൻ ഫിലിം ഫെസ്റ്റിവലിൽ അംഗീകാരം നേടിയ ഓൾ വീ ഇമാജിൻ ആസ് ലൈറ്റ്, ബ്രിന്ദാ മാസ്റ്റർ ഒരുക്കിയ തഗ്സ്, സന്തോഷ് ശിവൻ സംവിധാനം ചെയ്ത മുംബൈക്കാർ, ആമസോൺ പ്രൈമിൽ ഹിറ്റായ ക്രാഷ് കോഴ്സ് സീരീസ് എന്നിവയിലെ മികച്ച പ്രകടനങ്ങൾക്കു ശേഷം മലയാളി കൂടിയായ ഹ്രിദ്ധു ഹാറൂൺ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് മുറ.
റിയാ ഷിബു,എച്ച് ആർ പിക്ചേഴ്സ്( നിർമ്മാണം), റോണി സക്കറിയ (എക്സിക്കുട്ടീവ് പ്രൊഡ്യൂസർ), ഫാസിൽ നാസർ(ഛായാഗ്രഹണം), ചമൻ ചാക്കോ(എഡിറ്റിംഗ്), ക്രിസ്റ്റി ജോബി(സംഗീത സംവിധാനം), ശ്രീനു കല്ലേലിൽ(കലാസംവിധാനം), റോണെക്സ് സേവ്യർ (മേക്കപ്പ്), നിസാർ റഹ്മത്ത്(വസ്ത്രാലങ്കാരം), പി.സി. സ്റ്റൻഡ്‌സ്(ആക്ഷൻ), ജിത്ത് പിരപ്പൻകോട്(പ്രൊഡക്ഷൻ കൺട്രോളർ) എന്നിവരാണ് അണിയറ പ്രവർത്തകർ. പ്രതീഷ് ശേഖർ ആണ് പി ആർ ഓ ആൻഡ് മാർക്കറ്റിങ് കൺസൾട്ടന്റ്.
