ബോളിവുഡ് സുന്ദരി സണ്ണി ലിയോണിനെ മലയാളത്തിലേക്ക് എത്തിച്ച ചിത്രമായിരുന്നു മമ്മൂട്ടി നായകനായെത്തിയ മധുരരാജ. ചിത്രത്തില് മോഹ മുന്തിരി എന്ന ഗാനത്തില് ഐറ്റം ഡാന്സ് പെര്ഫോമന്സുമായിട്ടായിരുന്നു സണ്ണി എത്തിയത്. തമിഴ് നടന് ജയ്ക്ക് ഒപ്പം സണ്ണി ലിയോണ് നൃത്തം വെയ്ക്കുന്ന ഗാന രംഗങ്ങള്ക്ക് വമ്പന് സ്വീകാര്യതയാണ് സോഷ്യല് മീഡിയയില് ലഭിച്ചത്.
ഇപ്പോഴിതാ ആ ഗാനത്തിന് ചുവടുവെച്ച് രംഗത്തെത്തിയിരിക്കുകയാണ് നടി ഗായത്രി സുരേഷ്. ഗായത്രിയുടെ ഡാന്സ് സോഷ്യല് മീഡിയയില് വൈറലായതിനു പിന്നാലെ ട്രോളന്മാര് സംഭവം ഏറ്റെടുത്തു. പതിവ് ശൈലിയില് തന്നെ സിനിമ ഡയലോഗുകള് കോര്ത്തിണക്കി ഒരുക്കിയിരിക്കുന്ന ട്രോല് വീഡിയോയ്ക്ക് വമ്പന് സ്വീകാര്യതയാണ് സോഷ്യല് മീഡിയയില് ലഭിച്ചിരിക്കുന്നത്. യൂട്യൂബില് ഈ ട്രോല് വീഡിയോയ്ക്ക് മൂന്നര ലക്ഷത്തിന് മേല് കാഴ്ച്ചക്കാരായി.
മോഹമുന്തിരി എന്ന് തുടങ്ങുന്ന ഗാനം ഗോപി സുന്ദറിന്റെ സംഗീതത്തില് സിതാര കൃഷ്ണകുമാറാണ് ആലപിച്ചിരിക്കുന്നത്.