വര്ഷങ്ങള് നീണ്ട ഇടവേളയ്ക്ക് ശേഷമുള്ള നടി മീര ജാസ്മിന്റെ തിരിച്ചുവരവ് ആഘോഷമായി ആരാധകര് ഏറ്റെടുത്തിരുന്നു. ഒരുപാട് മികച്ച കഥാപാത്രങ്ങള് ചെയ്ത മീര ജാസ്മിന് സിനിമയില് നിന്നും വിട്ടു നിന്നപ്പോഴും ആരാധകരുടെ മനസില് നിറഞ്ഞു നിന്നിരുന്നു. എന്നാല് തിരിച്ചുവരവില് കരിയറിലെ കയ്പ്പേറിയ ഘട്ടത്തിലാണ് മീര.
‘മകള്ക്ക്’ എന്ന സിനിമ പരാജയമായതിന് പിന്നാലെ ഏറെ പ്രതീക്ഷയോടെ എത്തിയ ‘ക്വീന് എലിസബത്ത്’ എന്ന ചിത്രവും ദുരന്തമായിരിക്കുകയാണ്. മൂന്ന് കോടിക്ക് അടുത്ത് ബജറ്റില് ഒരുക്കിയ ചിത്രം കഴിഞ്ഞ വര്ഷം ഡിസംബര് 29ന് ആയിരുന്നു തിയേറ്ററില് എത്തിയത്.
എന്നാല് 45 ലക്ഷം വരെ മാത്രമേ ചിത്രത്തിന് ബോക്സ് ഓഫീസില് നിന്നും നേടാനായിട്ടുള്ളു എന്നാണ് റിപ്പോര്ട്ടുകള്. മലയാളത്തിലെ എവര്ഗ്രീന് കോമ്പോ ആയ മീര ജാസ്മിനും നരേനും ഒന്നിച്ച ചിത്രമായിരുന്നു ക്വീന് എലിസബത്ത്. എന്നാല് ചിത്രം പരാജയമാതോടെ ഒരു മാസത്തിനിപ്പുറം ഒ.ടി.ടിയില് സ്ട്രീമിംഗ് ആരംഭിച്ചിരിക്കുകയാണ്.
വെള്ളം, അപ്പന്, പടച്ചോനെ ഇങ്ങള് കാത്തോളീ എന്നീ ചിത്രങ്ങളുടെ നിര്മ്മാതാവായ രഞ്ജിത്ത് മണമ്പ്രക്കാട്ടും എം പത്മകുമാര്, ശ്രീറാം മണമ്പ്രക്കാട്ട് എന്നിവരും ചേര്ന്ന് ബ്ലൂ മൗണ്ട് പ്രൊഡക്ഷന്സിന്റെ ബാനറിലാണ് ചിത്രം നിര്മ്മിച്ചത്.
ശ്വേത മേനോന്, രമേശ് പിഷാരടി, വി കെ പ്രകാശ്, രണ്ജി പണിക്കര്, ജോണി ആന്റണി, മല്ലിക സുകുമാരന്, ജൂഡ് ആന്റണി ജോസഫ്, ആര്യ, ശ്രുതി രജനികാന്ത്, പേളി മാണി, സാനിയ ബാബു, നീന കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോല്, ചിത്ര നായര് എന്നിവരാണ് മറ്റ് പ്രധാന വേഷങ്ങളിലെത്തുന്നത്.
അച്ചുവിന്റെ അമ്മ, മിന്നാമിന്നിക്കൂട്ടം, ഒരേ കടല് തുടങ്ങിയ ചിത്രങ്ങള്ക്ക് ശേഷം നരേനും മീരാ ജാസ്മിനും ഒരുമിക്കുന്ന ചിത്രമാണിത്. അര്ജുന് ടി സത്യന് ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം ജിത്തു ദാമോദര്, സംഗീത സംവിധാനം.