സഞ്ജു. വി. സാമുവേൽ സംവിധാനം ചെയ്ത് മാത്യു തോമസും ബേസിൽ ജോസഫും പ്രധാന കഥാപാത്രങ്ങളായി എത്തുന്ന ഏറ്റവും പുതിയ ചിത്രം ‘കപ്പ്’ ഫസ്റ്റ് ലുക്ക് പോസ്റ്റർ പുറത്ത്. പൃഥ്വിരാജിന്റെ ഫെയ്സ്ബുക്ക് പേജിലൂടെയാണ് പോസ്റ്റർ പുറത്തുവിട്ടത്.
അൽഫോൺസ് പുത്രൻ ആണ് ചിത്രം അവതരിപ്പിക്കുന്നത്. അഖിലേഷ് ലതാരാജും ഡെൻസണും ചേര്ന്നാണ് ചിത്രത്തിന് തിരക്കഥയെഴുതിയിരിക്കുന്നത്. നിഖില് എസ് പ്രവീണാണ് ചിത്രത്തിന് ഛായാഗ്രാഹണം നിർവഹിക്കുന്നത്.
സ്പോർട്സ്- ഡ്രാമ വിഭാഗത്തിൽ ഉൾപ്പെടുന്ന ചിത്രത്തിൽ ഇടുക്കിയിലെ മലയോര ഗ്രാമത്തിൽ അരങ്ങേറുന്ന സംഭവ വികാസങ്ങളാണ് ചിത്രത്തിന്റെ പ്രമേയം. ഗുരു സോമസുന്ദരം, നമിത പ്രമോദ്, തുഷാര പിള്ള, മൃണാളിനി സൂസ്സൻ എന്നിവരാണ് ചിത്രത്തിലെ മറ്റ് താരങ്ങൾ.
ഷാൻ റഹ്മാൻ ആണ് ചിത്രത്തിൽ സംഗീത സംവിധാനം നിർവഹിക്കുന്നത്. അനന്യ ഫിലിംസിന്റെ ബാനറിൽ ആൽവിൻ ആന്റണിയും എയ്ഞ്ചലീന മേരിയുമാണ് കപ്പ് നിർമ്മിക്കുന്നത്.