ഇതിഹാസ സിനിമയുടെ നിര്‍മ്മാതാക്കള്‍ ഒരുക്കുന്ന അടുത്ത ചിത്രം “മറിയം വന്ന് വിളിക്കൂതി”യുടെ ട്രെയ്‌ലര്‍ പുറത്ത്. ജെനിത് കാച്ചപ്പള്ളി തിരക്കഥയെഴുതി സംവിധാനം ചെയ്യുന്ന ചിത്രം മുഴുനീള കോമഡി എന്റര്‍ടെയ്‌നറായിരിക്കുമെന്നാണ് ട്രെയ്‌ലറില്‍ നിന്നുള്ള സൂചന.
നടന്‍ നിവിന്‍ പോളിയാണ് ഫെയ്‌സ്ബുക്ക് പേജിലൂടെ ട്രെയ്‌ലര്‍ പങ്കുവച്ചിരിക്കുന്നത്. “ഇതിഹാസ നിര്‍മ്മാതാക്കളില്‍ നിന്നും വരുന്ന അടുത്ത വട്ട്” എന്ന ക്യാപ്ഷനോടെയാണ് ട്രെയ്‌ലര്‍ അവതരിപ്പിച്ചിരിക്കുന്നത്. സിജു വിത്സന്‍, കൃഷ്ണ ശങ്കര്‍, ശബരീഷ് വര്‍മ്മ, അല്‍ത്താഫ് സലിം, സേതു ലക്ഷ്മി, ബൈജു, ബേസില്‍ ജോസഫ്, എം.എ. ഷിയാസ്, ബിനു അടിമാലി എന്നിവരാണ് ചിത്രത്തിലെ പ്രധാന താരങ്ങള്‍.
ഒരു രാത്രിയിലെ മൂന്ന് മണിക്കൂറിന്റെ കഥയാണ് ചിത്രം പറയുന്നത്. നാല് സുഹൃത്തുക്കളുടെ കഥയാണ് ചിത്രം പറയുന്നത്. സിനോജ് പി. അയ്യപ്പന്‍ ഛായഗ്രാഹണവും അപ്പു ഭട്ടതിരി എഡിറ്റിങ്ങും നിര്‍വ്വഹിച്ച ചിത്രം ജനുവരി 31ന് തിയേറ്ററുകളിലെത്തും.
