മികച്ച പ്രതികരണങ്ങളോടെ പ്രദര്ശനം തുടരുകയാണ് ജെനിത് കാച്ചപ്പിള്ളി ചിത്രം “മറിയം വന്ന് വിളക്കൂതി”. ചിത്രത്തിലെ മഹാഭാരതം ആസ്പദമാക്കിയുള്ള ഒരു സ്നീക്ക് പീക്ക് പുറത്ത്. ഏറെ പൊട്ടിച്ചിരിപ്പിക്കുന്ന ഒരു രംഗമാണ് അണിയറപ്രവര്ത്തകര് റിലീസ് ചെയ്തിരിക്കുന്നത്.
സിജു വിത്സന്, കൃഷ്ണ ശങ്കര്, ശബരീഷ് വര്മ്മ, അല്ത്താഫ് സലീം, ഷിയാസ്, സേതുലക്ഷ്മി എന്നിവരാണ് ചിത്രത്തിലെ കേന്ദ്രകഥാപാത്രങ്ങള്. ബൈജു സന്തോഷ്, സിദ്ധാര്ത്ഥ് ശിവ, ബേസില് ജോസഫ്, ബിനു അടിമാലി, ഐറിന് മിഹാല് കൊവിച്ച് തുടങ്ങിയവരാണ് മറ്റ് താരങ്ങള്.
ഒരു രാത്രിയിലെ മൂന്ന് മണിക്കൂറിന്റെ കഥ പറയുന്ന ചിത്രം ഹ്യൂമറിന് പ്രാധാന്യം നല്കിയാണ് ഒരുക്കിയിരിക്കുന്നത്. വസീം-മുരളി സംഗീതം ഒരുക്കിയ ചിത്രത്തിന് സിനോജ് പി അയ്യപ്പന് ഛായാഗ്രഹണം നിര്വ്വഹിക്കുന്നു.