തിരക്കഥാകൃത്തും നടനുമായ ബിബിന് ജോര്ജ് നായകനാകുന്ന ഏറ്റവും പുതിയ ചിത്രം മാര്ഗംകളി അണിയറയില് ഒരുങ്ങുകയാണ്. കുട്ടനാടന് മാര്പാപ്പയ്ക്ക് ശേഷം ശ്രീജിത്ത് വിജയന് സംവിധാനം ചെയ്യുന്ന “മാര്ഗംകളി”യില് നമിത പ്രമോദാണ് നായികയായി എത്തുന്നത്. ഈ കോമഡി-പ്രണയ ചിത്രത്തില് സിദ്ദിഖ്, ശാന്തി കൃഷ്ണ,ധര്മ്മജന് ബൊള്ഗാട്ടി, ഹരീഷ് കണാരന്, ബിന്ദു പണിക്കര്, സുരഭി സന്തോഷ്, സൗമ്യാമേനോന്, ബിനു തൃക്കാക്കര തുടങ്ങി വന്താരനിരയാണ് അണിനിരക്കുന്നത്. ഇതില് ഹരീഷ് കണാരന്റെ കഥാപാത്രത്തെ പരിചയപ്പെടുത്തുന്ന ക്യാരക്ടര് ടീസര് അണിയറ പ്രവര്ത്തകര് പുറത്തുവിട്ടു.
ടിക് ടോക് പ്രാന്തനായ ടിക് ടോക്ക് ഉണ്ണി എന്ന കഥാപാത്രത്തെയാണ് ഹരീഷ് കണാരന് ചിത്രത്തില് അവതരിപ്പിക്കുന്നത്. വളരെ രസകരമായാണ് ക്യാരക്ടര് ടീസര് അവതരിപ്പിച്ചിരിക്കുന്നത്. “നുള്ളി കളയാന് ഞാന് പാലുണ്ണിയോ പുഴുങ്ങി കളയാന് മുട്ടേടെ ഉണ്ണിയോ അല്ല ഇത് ടിക്ടോക് ഉണ്ണിയാ…” എന്നാണ് ഹരീഷ് കണാരന്റെ കഥാപാത്രം സ്വയമേ അവകാശപ്പെടുന്നത്.
മന്ത്ര ഫിലിംസിന്റെ ബാനറില് ഷൈന് അഗസ്റ്റിനാണ് ചിത്രം നിര്മ്മിക്കുന്നത്. ടെലിവിഷനിലെ കോമഡി പരിപാടികളിലൂടെ ശ്രദ്ധേയനായ ശശാങ്കന് മയ്യനാടാണ് ചിത്രത്തിന് തിരക്കഥയൊരുക്കുന്നത്. സംഗീതം ഗോപി സുന്ദറും അരവിന്ദ് കൃഷ്ണ ഛായാഗ്രഹണവും ജോണ് കുട്ടി എഡിറ്റിംഗും നിര്വഹിക്കുന്നു.