മോഹന്ലാല്-പ്രിയദര്ശന് കൂട്ടുകെട്ടിന്റെ മരയ്ക്കാര് അറബിക്കടലിന്റെ സിംഹത്തിന്റെ ടീസര് റിലീസ് ചെയ്തു. വളരെ ആകാംക്ഷയുണര്ത്തുന്ന രീതിയിലാണ് ടീസര് അണിയിച്ചൊരുക്കിയിരിക്കുന്നത്. മോഹന്ലാലിന്റെ മാസ് ഡയലോഹഗാണ് ടീസറിന്റെ ഹൈലൈറ്റ്. പുറത്തിറങ്ങി മിനിറ്റുകള് മാത്രം പിന്നിടുമ്പോള് ടീസര് സോഷ്യല് മീഡിയയില് വൈറലായി കഴിഞ്ഞു.
വമ്പന് റിലീസാണ് ചിത്രത്തെ കാത്തിരിക്കുന്നത്. കേരളത്തിലെ 90 ശതമാനം തിയേറ്ററുകളിലും മരയ്ക്കാര് പ്രദര്ശനത്തിന് എത്തുമെന്നാണ് റിപ്പോര്ട്ടുകള്. ഇതിനോടകം തന്നെ 500 റോളം സ്ക്രീനുകള് കേരളത്തില് ചാര്ട്ട് ചെയ്ത് കഴിഞ്ഞെന്നാണ് വിവരം. മരയ്ക്കാറിന് വി.എഫ്.എക്സ് ഒരുക്കുക മാര്വെല് സിനിമകള്ക്ക് വി.എഫ്.എക്സ് ഒരുക്കിയ അനിബ്രയിന് ആണ്. ലോക സിനിമയിലെ തന്നെ പല വമ്പന് സിനിമകള്ക്കും വി എഫ് എക്സ് ഒരുക്കിയിട്ടുള്ളവരാണ് അനിബ്രയിന്.
മോഹന്ലാലിന് പുറമെ, പ്രണവ് മോഹന്ലാല്, പ്രഭു, അര്ജുന്, ഫാസില്, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കര്, ഹരീഷ് പേരാടി തുടങ്ങിയ വമ്പന് താരനിരയാണ് ചിത്രത്തിലുള്ളത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മാണം. ഡോക്ടര് റോയ്, സന്തോഷ് ടി കുരുവിള എന്നിവര് സഹനിര്മാതാക്കളാണ്. മാര്ച്ച് 26 ന് ചിത്രം തിയേറ്ററുകളിലെത്തും.