“പട്ടാഭിരാമന്” എന്ന സൂപ്പര് ഹിറ്റ് സിനിമയ്ക്ക് ശേഷം കണ്ണന് താമരക്കുളം സംവിധാനം ചെയ്യുന്ന “മരട് 357” ചിത്രത്തിലെ ആദ്യ വീഡിയോ ഗാനം റിലീസ് ചെയ്തു. മമ്മൂട്ടിയുടെ ഫെയ്സ്ബുക്ക് പേജിലൂടെയാണ് “”മാനം മീതെ”” എന്ന ഗാനം റിലീസ് ചെയ്തിരിക്കുന്നത്. മധു വാസുദേവന്റെ വരികള്ക്ക് ഫോര് മ്യൂസിക്ക്സാണ് ഈണമിട്ട് അന്വര് സാദത്ത്, വിപിന് സേവ്യര്, ബിബി മാത്യു, ഹരിത ബാലകൃഷ്ണന് എന്നിവര് ചേര്ന്നാണ് ഗാനം ആലപിച്ചിരിക്കുന്നത്.
കേരളത്തില് ഏറെ കോളിളക്കം സൃഷ്ടിച്ച മരട് വിഷയത്തിന്റെ കഥയാണ് മരട് 357 പറയുന്നത്. അനൂപ് മേനോന്, ധര്മജന്, മനോജ് കെ ജയന്, ബൈജു സന്തോഷ്, സാജില് സുദര്ശന്, സെന്തില് കൃഷ്ണ എന്നിവര് കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില് ഷീലു എബ്രഹാം, നൂറിന് ഷെറീഫ് എന്നിവരാണ് നായികമാര്.
സുധീഷ്, ഹരീഷ് കണാരന്, കൈലാഷ്, ശ്രീജിത്ത് രവി, ജയന് ചേര്ത്തല, ജയകൃഷ്ണന്, ബഷീര്, പടന്നയില്, മുഹമ്മദ് ഫൈസല്, കൃഷ്ണ, മനുരാജ്, അനില് പ്രഭാകര്, വിഷ്ണു, കലാഭവന് ഫനീഫ്, ശരണ്, പോള് താടിക്കാരന്, അഞ്ചലി, സരയൂ തുടങ്ങി വന് താരനിര തന്നെ ചിത്രത്തിലുണ്ട്.
അബാം മൂവീസിന്റെ ബാനറില് അബ്രഹാം മാത്യുവും സ്വര്ണ്ണലയ സിനിമാസിന്റെ ബാനറില് സുദര്ശനന് കാഞ്ഞിരക്കുളവും ചേര്ന്നാണ് ചിത്രം നിര്മ്മിക്കുന്നത്. ദിനേശ് പള്ളത്താണ് തിരക്കഥ ഒരുക്കുന്നത്. രവിചന്ദ്രനാണ് ഛായാഗ്രഹണം. എഡിറ്റര് വി.ടി ശ്രീജിത്താണ്.