2019 നെ യാത്രയാക്കി 2020 രംഗ പ്രവേശം ചെയ്തു. പുതുവര്ഷത്തെ വരവേല്ക്കുന്നതിനുള്ള ആഘോഷ പരിപാടികളിലായിരുന്നു ലോകം. ഇപ്പോഴിതാ പുതുവത്സര ദിനത്തില് ആരാധകരെ ഞെട്ടിക്കുന്ന ലുക്കില് പ്രത്യക്ഷപ്പെട്ടിരിക്കുകയാണ് നടന് മമ്മൂട്ടി. മനോരമ കലണ്ടര് ഫോട്ടോഷൂട്ടിന്റെ ഭാഗമായുള്ള തന്റെ കിടിലന് ഫോട്ടോഷൂട്ട് ചിത്രം ഫെയ്സ്ബുക്കിലൂടെ മമ്മൂട്ടി പങ്കുവെച്ചു. ചിത്രം ഇതിനോടകം വൈറലായി കഴിഞ്ഞു.
പുതുവര്ഷ സമ്മാനമായി മമ്മൂട്ടിയുടെ പുതിയ ചിത്രം ഷൈലോക്കിന്റെ ടീസറും റിലീസ് ചെയ്തിട്ടുണ്ട്. അങ്കമാലി ഡയറീസിലെ പാട്ടിന് നൃത്തംവയ്ക്കുന്ന മമ്മൂട്ടിയാണ് ടീസറില്. അങ്കമാലി ഡയറീസിലെ “തീയാമ്മേ” പാട്ടിനൊപ്പമാണ് പൊലീസുകാര്ക്കൊപ്പം അവരുടെ തൊപ്പിയും ലാത്തിയും പിടിച്ച് മമ്മൂട്ടി ഡാന്സ് കളിക്കുന്നത്. ടീസറും ഇതിനോടകം ശ്രദ്ധ നേടിയിട്ടുണ്ട്.
രാജാധിരാജ, മാസ്റ്റര് പീസ് എന്നീ ചിത്രങ്ങള്ക്ക് ശേഷം മമ്മൂട്ടിയെ നായകനാക്കി അജയ് വാസുദേവ് സംവിധാനം ചെയ്യുന്ന ചിത്രമാണ് ഷൈലോക്ക്. ഗോപി സുന്ദറാണ് ചിത്രത്തിന്റെ സംഗീത സംവിധായകന്. അനീഷ് ഹമീദും ബിപിന് മോഹനും ചേര്ന്ന് തിരക്കഥ എഴുതിയ ചിത്രത്തിന്റെ ഛായാഗ്രഹണം നിര്വഹിക്കുന്നത് രണദീവാണ്.