മഞ്ജു വാര്യരെ കേന്ദ്ര കഥാപാത്രമാക്കി എഡിറ്റര് സൈജു ശ്രീധരന് ആദ്യമായി സംവിധാനം ചെയ്യുന്ന ‘ഫൂട്ടേജ്’ ചിത്രത്തിന്റെ ട്രെയ്ലര് പുറത്ത്. വിശാഖ് നായരും ഗായത്രി അശോകും പ്രത്യക്ഷപ്പെടുന്ന ട്രെയ്ലറില് ആകെ ഒരു സെക്കന്ഡ് മാത്രമാണ് മഞ്ജു വാര്യരെ കാണിക്കുന്നത്. ഫൗണ്ട് ഫൂട്ടേജ് ഴോണറിലാണ് ചിത്രം എത്തുന്നത്. ഓഗസ്റ്റ് 2ന് ആണ് റിലീസ്.
മലയാളത്തില് ഇതുവരെ കണ്ടുവരാത്ത പരീക്ഷണ ശൈലിയിലാണ് ചിത്രത്തിന്റെ അവതരണം. കുമ്പളങ്ങി നൈറ്റ്സ്, അഞ്ചാം പാതിരാ, മഹേഷിന്റെ പ്രതികാരം എന്നീ ചിത്രങ്ങളുടെ എഡിറ്റര് എന്ന നിലയില് ശ്രദ്ധേയനാണ് സൈജു ശ്രീധരന്. അനുരാഗ് കശ്യപ് ആണ് സിനിമ അവതരിപ്പിക്കുന്നത്.
ചിത്രത്തിന്റെതായി നേരത്തെ പുറത്തെത്തിയ ഫസ്റ്റ് ലുക്ക് പോസ്റ്ററിലും മഞ്ജു ഇല്ലായിരുന്നു. വിശാഖും ഗായത്രിയും ആയിരുന്നു പോസ്റ്ററില് പ്രത്യക്ഷപ്പെട്ടത്. ഒരു ബെഡ്റൂമില് നിന്നുള്ള രംഗമാണ് പോസ്റ്ററില് കാണിച്ചിരുന്നത്. വിശാഖ് ഗായത്രിയുടെ നെഞ്ചില് തലചായ്ച്ച് നില്ക്കുന്നതാണ് ചിത്രത്തിലുള്ളത്. മാത്രമല്ല ഇരുവരും വസ്ത്രം ധരിച്ചിട്ടില്ലെന്ന് തോന്നിപ്പിക്കുന്ന തരത്തിലായിരുന്നു പോസ്റ്റര്.
ഈ ചിത്രം പ്രേക്ഷകരിലേക്ക് എത്തിക്കുന്നത് മാര്ട്ടിന് പ്രകാട്ട് ഫിലിംസാണ്. മൂവി ബക്കറ്റ്, കാസ്റ്റ് ആന്ഡ് കോ, പെയില് ബ്ലൂ ഡോട്ട് പിക്ചേഴ്സ് എന്നിവയുടെ ബാനറില് ബിനീഷ് ചന്ദ്രന്, സൈജു ശ്രീധരന് എന്നിവര് ചേര്ന്നാണ് നിര്മ്മാണം.
കോ പ്രൊഡ്യൂസര് രാഹുല് രാജീവ്, സൂരജ് മേനോന്, ലൈന് പ്രൊഡ്യൂസര് അനീഷ് സി സലിം, ഷബ്ന മുഹമ്മദ്, സൈജു ശ്രീധരന് എന്നിവര് ചേര്ന്നാണ് തിരക്കഥ സംഭാഷണം ഒരുക്കുന്നത്. ഛായാഗ്രഹണം ഷിനോസ്, എഡിറ്റര് സൈജു ശ്രീധരന്, പ്രൊഡക്ഷന് കണ്ട്രോളര് കിഷോര് പുറക്കാട്ടിരി, കലാസംവിധാനം അപ്പുണ്ണി സാജന്.