മലയാള സിനിമയിലെ എക്കാലത്തെയും മികച്ച സീരീസാണ് സിബിഐ സീരീസ്. ചിത്രത്തിന്റെ അഞ്ചാം ഭാഗത്തിനുള്ള ഒരുക്കങ്ങള് അണിയറയില് തുടങ്ങി കഴിഞ്ഞു എന്ന റിപ്പോര്ട്ടുകള് പുറത്തു വന്നിരുന്നു. ഇപ്പോള് അക്കാര്യത്തില് കൂടുതല് വ്യക്തത വന്നിരിക്കുകയാണ്. ചിത്രത്തിന്റെ തിരക്കഥ 90 ശതമാനവും പൂര്ത്തിയായെന്ന് തിരക്കഥാകൃത്ത് എസ്.എന് സ്വാമി പറഞ്ഞു.
“ഒരു 90 ശതമാനവും തിരക്കഥ പൂര്ത്തിയായിട്ടുണ്ട്. ഇനി കുറച്ച് തിരുത്തലുകളൊക്കെ ചെയ്യാനുണ്ട്. മമ്മൂട്ടിയുടെ ഡേറ്റ് മെയ്, ജൂണ് മാസത്തിലാണ് കിട്ടിയിരിക്കുന്നത്. അപ്പോഴേക്കും ഷൂട്ടിംഗ് ആരംഭിക്കും.” മനോരമയുമായുള്ള അഭിമുഖത്തില് എസ്.എന് സ്വാമി പറഞ്ഞു.
മമ്മൂട്ടി, സംവിധായകന് കെ മധു, തിരക്കഥാകൃത്ത് എസ് എന് സ്വാമി, സംഗീത സംവിധായകന് ശ്യാം എന്നിവര് വീണ്ടും ഒന്നിക്കുന്ന ചിത്രം “ബാസ്ക്കറ്റ് കില്ലിംഗ്” എന്ന കഥാതന്തുവാണ് അവലംബിക്കുന്നതെന്നാണ് വിവരം. തുടര്ക്കഥയാകുന്ന ദുരൂഹ മരണങ്ങളുടെ ചുരുളഴിക്കുവാനാണ് സേതുരാമയ്യരുടെ വരവ്.