ഷറഫുദ്ദീന് നായകനായെത്തുന്ന ‘പ്രിയന് ഓട്ടത്തിലാണ്’ എന്ന ചിത്രത്തില് മെഗാസ്റ്റാര് മമ്മൂട്ടിയും അഭിനയിക്കുമെന്ന് റിപ്പോര്ട്ട്. പ്രമുഖ ട്രേഡ് അനലിസ്റ്റ് ആയ ശ്രീധര് പിള്ളയുടെ ട്വീറ്റിന് പിന്നാലെയാണ് ഈ പ്രചാരണം സോഷ്യല്മീഡിയയില് നടക്കുന്നത്.
കോമഡി എന്റര്ടെയ്നറായ ഈ ചിത്രത്തില് മമ്മൂട്ടി അതിഥി വേഷത്തിലെത്തുന്നുവെന്ന അഭ്യൂഹങ്ങള് ഉണ്ടെന്നായിരുന്നു ശ്രീധര് പിള്ളയുടെ ട്വീറ്റ്. ചിത്രത്തിന്റെ റിലീസിന് ഒരു ദിവസം മാത്രം ബാക്കി നില്ക്കെയുള്ള ട്വീറ്റ് വന്നതോടെ ആവേശത്തിലാണ് ആരാധകരും.
ഫീല് ഗുഡ് ഫാമിലി എന്റര്ടെയ്നറായി എത്തുന്ന ചിത്രം ഷറഫുദ്ദീന്റെ കഥാപാത്രത്തെ ചുറ്റിപ്പറ്റിയുള്ളതാണ്. മറ്റുള്ളവരെ സഹായിക്കാന് എപ്പോഴും ഓടി നടക്കുന്നതിനാല് കുടുംബത്തിനൊപ്പം സമയം ചെലവഴിക്കാനാകാത്തയാളാണ് ചിത്രത്തില് ഷറഫുദ്ദീന്റെ കഥാപാത്രം. c/o സൈറ ബാനുവിന് ശേഷം ആന്റണി സോണി സംവിധാനം ചെയ്യുന്ന ചിത്രമാണ് ‘പ്രിയന് ഓട്ടത്തിലാണ്’. നാളെ ചിത്രം തിയേറ്ററുകളില് എത്തും.
നൈല ഉഷ, അപര്ണ ദാസ്, അനാര്ക്കലി മരക്കാര്, ബിജു സോപാനം, ജാഫര് ഇടുക്കി, സ്മിനു സിജു തുടങ്ങിയവരും ചിത്രത്തില് മറ്റ് കഥാപാത്രങ്ങളെ അവതരിപ്പിക്കുന്നു. അഭയകുമാര് കെ, അനില് കുര്യന് എന്നിവര് ചേര്ന്നാണ് സിനിമയ്ക്കായി തിരക്കഥയൊരുക്കിയിരിക്കുന്നത്. സന്തോഷ് തൃവിക്രമന് ആണ് ചിത്രത്തിന്റെ നിര്മ്മാണം നിര്വഹിക്കുന്നത്.