‘അറിയിപ്പിന്’ ശേഷം മഹേഷ് നാരായണൻ സംവിധാനം ചെയ്യുന്ന മമ്മൂട്ടി- സുരേഷ് ഗോപി ഫഹദ് ഫാസിൽ സിനിമയുടെ ചിത്രീകരണം നീട്ടിവെച്ചു. അടുത്ത മാസം ചിത്രീകരണം ആരംഭിക്കേണ്ടിയിരുന്ന ചിത്രത്തിന് താരങ്ങളുടെ ഒരുമിച്ചുള്ള ഡേറ്റ് ലഭ്യമല്ലാത്തതാണ് തിരിച്ചടിയായത്.
അടുത്ത വർഷം അവസാനത്തോടെ ചിത്രീകരണം ആരംഭിക്കാനാണ് തീരുമാനം. മമ്മൂട്ടി കമ്പനിയും ഫഹദ് ഫാസിൽ ആന്റ് ഫ്രണ്ട്സും ചേർന്നാണ് ചിത്രം നിർമ്മിക്കുന്നത്. അതേസമയം അൽത്താഫ് സലിം സംവിധാനം ചെയ്യുന്ന ഓടും കുതിര ചാടും കുതിരയാണ് ഫഹദ് ഫാസിലിന്റെ ഏറ്റവും പുതിയ മലയാള ചിത്രം. അടുത്തവർഷം ആദ്യം ചിത്രം തിയേറ്ററുകളിൽ എത്തുമെന്നാണ് റിപ്പോർട്ടുകൾ.
കാതല്, റോഷാക്ക്, കണ്ണൂര് സ്ക്വാഡ്, നന്പകല് നേരത്ത് മയക്കം, ടര്ബോ എന്നിവയ്ക്ക് ശേഷം ഗൗതം വാസുദേവ് മേനോൻ സംവിധാനം ചെയ്യുന്ന ചിത്രമാണ് മമ്മൂട്ടിക്കമ്പനിയുടെ അടുത്ത നിർമ്മാണ സംരംഭം. ഗൗതം വാസുദേവ് മേനോന്റെ ആദ്യ മലയാള ചിത്രം കൂടിയാണ് അണിയറയിൽ ഒരുങ്ങുന്നത്.
ഗോകുൽ സുരേഷ്, ലെന, സിദ്ദിഖ്, വിജി വെങ്കടേഷ്, വിജയ് ബാബു എന്നിവരാണ് ചിത്രത്തിലെ പ്രധാന താരങ്ങൾ. ക്രൈം-ത്രില്ലർ ഴോണറിലാണ് ചിത്രമൊരുങ്ങുന്നത്. ഈ വർഷം അവസാനത്തോടെ ചിത്രം തിയേറ്ററുകളിൽ എത്തുമെന്നാണ് അറിയാൻ കഴിഞ്ഞത്.