മമ്മൂട്ടിയുടെ ‘റോഷാക്ക്’ ചിത്രത്തിന്റെ ബിടിഎസ് വീഡിയോ പുറത്ത്. മമ്മൂട്ടിയുടെ ലൂക്ക് ആന്റണി എന്ന കഥാപാത്രത്തിന്റെ വീട്ടില് വച്ച് നടക്കുന്ന സംഘട്ടന രംഗത്തിന്റെ ബിടിഎസ്സാണിത്. മമ്മൂട്ടിക്ക് നേരെ പെട്രോള് ബോംബ് വരുന്നതും നടന് ഒഴിഞ്ഞു മാറുന്നതുമാണ് രംഗം.
വീഡിയോ ഇതിനോടകം തന്നെ സോഷ്യല് മീഡിയയില് വൈറലായിട്ടുണ്ട്. ചിത്രം ഇതുവരെ 20 കോടിയിലധികം കളക്ഷന് നേടിയിട്ടുണ്ട് എന്നാണ് വിവരം. സൈക്കോളജിക്കല് മിസ്റ്ററി ത്രില്ലര് ആയി ഒരുക്കിയ ചിത്രം നിസാം ബഷീര് ആണ് സംവിധാനം ചെയ്തത്.
അമേരിക്കന് പൗരത്വമുള്ള ദുബായില് ബിസിനസ് ചെയ്യുന്ന ലൂക്ക് ആന്റണി ആയാണ് മമ്മൂട്ടി എത്തുന്നത്. ഷറഫുദ്ദീന്, ജഗദീഷ്, ഗ്രേസ് ആന്റണി, ബിന്ദു പണിക്കര്, സഞ്ജു ശിവറാം, കോട്ടയം നസീര്, ബാബു അന്നൂര്, മണി ഷൊര്ണ്ണൂര് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. മമ്മൂട്ടി കമ്പനിയാണ് ചിത്രം നിര്മ്മിച്ചിരിക്കുന്നത്.
സമീര് അബ്ദുള് ആണ് ചിത്രത്തിന് തിരക്കഥ ഒരുക്കിയത്. ചിത്രം ആദ്യം ദിനം തന്നെ അഞ്ച് കോടിക്ക് മുകളിലാണ് കളക്ഷന് നേടിയത്. ആദ്യ ദിനം കേരളത്തില് 250 സ്ക്രീനുകളിലായി 815 ഷോകളാണ് നടന്നത്.