മമ്മൂട്ടി ചിത്രം ‘ക്രിസ്റ്റഫറി’നൊപ്പം മോഹന്ലാല് ചിത്രം ‘സ്ഫടിക’ത്തിന്റെ റീ റിലീസും എത്തിയതോടെ തിയേറ്ററുകള് പൂരപ്പറമ്പാക്കി ആരാധകര്. ക്രിസ്റ്റഫര് സിനിമയ്ക്ക് വന് വരവേല്പ്പാണ് പ്രേക്ഷകര് നല്കിയിരിക്കുന്നത്. അതുപോലെ തന്നെ സ്ഫടികത്തിന്റെ റീ റിലീസിനും മികച്ച സ്വീകരണമാണ് സിനിമാസ്വാദകര് നല്കിയിരിക്കുന്നത്.
ഇരു ചിത്രങ്ങളുടെയും ആദ്യ ദിന കളക്ഷന് റിപ്പോര്ട്ടുകളാണ് ഇപ്പോള് പുറത്തു വന്നിരിക്കുന്നത്. 1.83 കോടി രൂപയാണ് ക്രിസ്റ്റഫര് തിയേറ്ററുകളില് നിന്നും നേടിയിരിക്കുന്നത്. ചിത്രത്തിന്റെ അണിയറപ്രവര്ത്തകരാണ് ഈ വിവരം പങ്കുവച്ചത്. അതേസമയം, 1.05 കോടി രൂപയാണ് സ്ഫടികം നേടിയിരിക്കുന്നത്. കേരള ബോക്സ് ഓഫീസ് പേജിലാണ് ഈ വിവരം എത്തിയിരിക്കുന്നത്.
എന്നാല് ഈ കളക്ഷന് റിപ്പോര്ട്ടുകളില് ഔദ്യോഗിക സ്ഥിരീകരണം വന്നിട്ടില്ല. ഉദയകൃഷ്ണയുടെ തിരക്കഥയില് ബി. ഉണ്ണികൃഷ്ണന് സംവിധാനം ചെയ്ത ചിത്രമാണ് ക്രിസ്റ്റഫര്. പൊലീസ് വേഷത്തിലാണ് മമ്മൂട്ടി ചിത്രത്തിലെത്തിയത്. സിനിമ പ്രേക്ഷകര് ഏറ്റെടുത്തതില് നന്ദി പറഞ്ഞു കൊണ്ട് മമ്മൂട്ടി രംഗത്തെത്തിയിരുന്നു.
അതേസമയം, 28 വര്ഷങ്ങള്ക്ക് ശേഷമാണ് സ്ഫടികം തിയേറ്ററുകളില് റീ റിലീസ് ചെയ്യുന്നത്. 1995ല് പുറത്തിറങ്ങിയ ചിത്രത്തിന്റെ 4കെ പതിപ്പാണ് കഴിഞ്ഞ ദിവസം തിയേറ്ററുകളിലേക്ക് എത്തിയത്. ലോകമാകമാനം അഞ്ഞൂറ് സ്ക്രീനുകളിലാണ് ചിത്രം പ്രദര്ശിപ്പിക്കുന്നത്.