മമ്മൂട്ടിയെ നായകനാക്കി ബി. ഉണ്ണികൃഷ്ണന് സംവിധാനം ചെയ്ത ‘ക്രിസ്റ്റഫര്’ ഇനി ഒ.ടി.ടിയിലേക്ക്. ഫെബ്രുവരി 9ന് തിയേറ്ററുകളില് എത്തിയ ചിത്രം ഈ മാസം ആമസോണ് പ്രൈമില് സ്ട്രീമിംഗ് ആരംഭിക്കുന്നൊണ് റിപ്പോര്ട്ടുകള്. ‘ബയോഗ്രഫി ഓഫ് എ വിജിലന്റ് കോപ്പ്’ എന്ന ടാഗ് ലൈനോടെയാണ് ചിത്രം എത്തിയത്.
തമിഴ് താരങ്ങളായ വിനയ് റായിയും ശരത് കുമാറും മമ്മൂട്ടിക്ക് ഒപ്പം പ്രധാന വേഷത്തില് എത്തിയിരുന്നു. വിനയ് റായിയുടെ ആദ്യ മലയാള ചിത്രം കൂടിയാണ് ക്രിസ്റ്റഫര്. സ്നേഹ, ഐശ്വര്യ ലക്ഷ്മി എന്നിവരാണ് ചിത്രത്തിലെ നായികമാര്.
‘ആറാട്ട്’ എന്ന ചിത്രത്തിന് ശേഷം ഉദയ്കൃഷ്ണയുടെ തിരക്കഥയില് ബി ഉണ്ണികൃഷ്ണന് സംവിധാനം ചെയ്യുന്ന ചിത്രം കൂടിയാണിത്. ദിലീഷ് പോത്തന്, സിദ്ദിഖ്, ജിനു എബ്രഹാം, വിനീത കോശി, വാസന്തി എന്നിവരാണ് ചിത്രത്തിലെ മറ്റ് പ്രധാന താരങ്ങള്.
ആര്.ഡി ഇല്യൂമിനേഷന്സ് ആണ് ചിത്രം നിര്മ്മിച്ചിരിക്കുന്നത്. ഫൈസ് സിദ്ദിഖ്: ഛായാഗ്രാഹകന്. സംഗീതം: ജസ്റ്റിന് വര്ഗീസ്, എഡിറ്റിംഗ്: മനോജ്, പ്രൊഡക്ഷന് കണ്ട്രോളര്: അരോമ മോഹന്, കലാ സംവിധാനം: ഷാജി നടുവില്, വസ്ത്രാലങ്കാരം: പ്രവീണ് വര്മ്മ, ആക്ഷന് കൊറിയോഗ്രഫി: സുപ്രീം സുന്ദര്.