കേരളക്കരയില് തരംഗമായി അജയ് വാസുദേവ്-മമ്മൂട്ടി കൂട്ടിന്റെ ഷൈലോക്ക്. ചിത്രം പുറത്തിറങ്ങി മൂന്നാം വാരത്തിലേക്ക് പ്രവേശിക്കുമ്പോഴും നിറഞ്ഞ സദസാണ് ചിത്രത്തിന് ഉള്ളത്. റിലീസ് കേന്ദ്രങ്ങളിലെല്ലാം വമ്പന് വരവേല്പ് ആണ് ചിത്രത്തിന് ലഭിച്ചത്. മമ്മൂട്ടിയുടെ ഓള് റൗണ്ടര് പ്രകടനമാണ് ചിത്രത്തിന്റെ പ്രധാന ആകര്ഷണമെന്നാണ് പ്രേക്ഷകര് വിലയിരുത്തുന്നത്. ഇപ്പോഴിതാ ചിത്രത്തിന്റെ സക്സെസ് ടീസര് പുറത്തുവിട്ടിരിക്കുകയാണ് അണിയറ പ്രവര്ത്തകര്.
രാജാധിരാജ, മാസ്റ്റര്പീസ് എന്നീ ചിത്രങ്ങള്ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്. ദ് മണി ലെന്ഡര് എന്നാണ് ചിത്രത്തിന്റെ ടാഗ് ലൈന്. പലിശക്കാരനായ ബോസ് എന്ന കഥാപാത്രത്തെയാണ് ചിത്രത്തില് മമ്മൂട്ടി അവതരിപ്പിക്കുന്നത്.
തമിഴ് താരം രാജ്കിരണ് ചിത്രത്തിലൊരു പ്രധാനവേഷം ചെയ്യുന്നുണ്ട്. മീനയാണ് നായിക. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജ് ആണ് ചിത്രം നിര്മ്മിച്ചത്.