മമ്മൂട്ടിയെ നായകനാക്കി കെ മധു സംവിധാനം ചെയ്ത ഇന്വെസ്റ്റിഗേഷന് ത്രില്ലര് ചിത്രം സിബിഐ 5 ഒടിടി റിലീസിന് തയാറെടുക്കുന്നു ചിത്രം ജൂണ് 12 ന് നെറ്റ്ഫ്ളിക്സിലൂടെ റിലീസ് ചെയ്യും.
വളരെയധികം ജനശ്രദ്ധ നേടിയ ഒരു സിബിഐ ഡയറികുറിപ്പ്, ജാഗ്രത, സേതുരാമയ്യര് സിബിഐ, നേരറിയാന് സിബിഐ എന്നിവയ്ക്ക് ശേഷം ആ സീരീസില് പുറത്തു വന്ന അഞ്ചാമത്തേയും അവസാനത്തേയും ചിത്രമാണ് സിബിഐ 5 ദി ബ്രെയിന്. സംവിധായകന് കെ മധുവും സ്വര്ഗ്ഗചിത്ര അപ്പച്ചനും ചേര്ന്നാണ് ഈ അഞ്ചാം ഭാഗം നിര്മ്മിച്ച്ത്.
രഞ്ജി പണിക്കര്, സായ്കുമാര്, സൗബിന് ഷാഹിര്, മുകേഷ്, അനൂപ് മേനോന്,ദിലീഷ് പോത്തന്, രമേശ് പിഷാരടി, പ്രതാപ് പോത്തന്, സന്തോഷ് കീഴാറ്റൂര്, അസീസ് നെടുമങ്ങാട്, ഹരീഷ് രാജു, ഇടവേള ബാബു, ആശാ ശരത്ത്, കനിഹ, മാളവിക മേനോന്, അന്സിബ, മാളവിക നായര്, മായാ വിശ്വനാഥ്, സുദേവ് നായര്, പ്രശാന്ത് അലക്സാണ്ടര്, രമേശ് കോട്ടയം, ജയകൃഷ്ണന്, സ്വാസിക, സുരേഷ് കുമാര്, ചന്തു കരമന, സ്മിനു ആര്ട്ടിസ്റ്റ്, സോഫി എം ജോ, തണ്ടൂര് കൃഷ്ണ തുടങ്ങി വലിയൊരു താരനിര ചിത്രത്തില് അണിനിരക്കുന്നു.
അഖില് ജോര്ജ് കാമറ ചലിപ്പിച്ച ഈ ചിത്രം എഡിറ്റ് ചെയ്തത് ശ്രീകര് പ്രസാദ് ആണ്. യുവനിരയിലെ ശ്രദ്ധേയനായ ജേക്സ് ബിജോയ് ആണ് ഈ ചിത്രത്തിന്റെ സംഗീത സംവിധായകന്.
ചിത്രത്തിന് സമ്മിശ്ര പ്രതികരണമാണ് തിയേറ്ററുകളില് ലഭിച്ചത്. സിബിഐ അഞ്ചാം ഭാഗത്തിന് മനപൂര്വ്വം നെഗറ്റീവ് അഭിപ്രായം ഉണ്ടാക്കിയെടുക്കാന് ചിലയാളുകള് ശ്രമിച്ചിരുന്നെന്നും അത് ഒരു പരിധി വരെ നടന്നെന്നും വെളിപ്പെടുത്തി സംവിധായകന് കെ മധു തന്നെ രംഗത്ത് വന്നിരുന്നു.