ഹോളിവുഡ് താരം ടോം ക്രൂയിസ് ആരാധകർക്ക് മറുപടിയുമായി മമ്മൂട്ടി ഫാൻസ്. ഇരുവരുടെയും പ്രായവും ലുക്കുമാണ് സോഷ്യൽ മീഡിയയിൽ ആരാധകർ തമ്മിലുള്ള തർക്കത്തിന് വഴിവെച്ചത്. അമേരിക്കൻ നടനായ ടോം ക്രൂയ്സിന്റെ ഏറ്റവും പുതിയ ചിത്രം പുറത്ത് വന്നതിനു പിന്നാലെയാണ് മമ്മൂട്ടിയുടെ പ്രായം വീണ്ടും സോഷ്യൽ മീഡിയയിൽ ചർച്ചയാവുന്നത്.
സിനിമ ഇൻ മെംമ്സ് എന്ന ഫേസ്ബുക്ക് പേജിലാണ് ടോം ക്രൂയ്സിന്റെ ചിത്രം ആരാധകൻ പങ്കു വെച്ചരിക്കുന്നത്., അറുപതാം വയസിൽ ടോം ക്രൂയിസ് എന്ന അടിക്കുറിപ്പോടെ പങ്കു വെച്ചിരിക്കുന്ന ചിത്രത്തിന് താഴെ മമ്മൂട്ടിയുടെ ചിത്രം പങ്കു വെച്ച് കൊണ്ട്, മമ്മൂട്ടി, ഇന്ത്യൻ നടൻ, 71 വയസ് എന്നാണ് മലയാള സിനിമ പ്രേമികൾ കുറിച്ചത്. പിന്നീട് മമ്മൂട്ടിയുടെ വ്യത്യസ്ത ലുക്കിലുള്ള ഒട്ടേറെ ചിത്രങ്ങളും ആരാധകർ പങ്കുവെച്ചിരുന്നു.
ആരോഗ്യകാരത്തിൽ അതീവശ്രദ്ധാലുവായ മമ്മൂട്ടിയുടെ സ്റ്റൈലിഷ് ലുക്കുകൾ പലപ്പോഴും സോഷ്യൽ മീഡിയായിൽ വൈറലായി മാറാറുണ്ട്. ഏതായാലും ടോം ക്രൂയിസ് ഫാൻസും മമ്മൂട്ടി ഫാൻസും തമ്മിൽ നടക്കുന്ന ഈ സോഷ്യൽ മീഡിയ തർക്കം ദേശീയ മാധ്യമങ്ങൾ വരെ ഏറ്റെടുത്തു കഴിഞ്ഞു.
പ്രായം റിവേഴ്സ് ഗിയറിൽ ഓടുന്ന നടൻ എന്നാണ് മമ്മൂട്ടിയെ ആരാധകർ വിശേഷിപ്പിക്കുന്നത്. ലുക്കിന്റെ കാര്യത്തിൽ ടോം ക്രൂയിസിനെയും വെല്ലും നമ്മുടെ മമ്മൂട്ടി എന്ന് മലയാള സിനിമാ പ്രേമികളും മമ്മൂട്ടി ആരാധകരും സോഷ്യൽ മീഡിയയിൽ കുറിച്ചത്.