മമ്മൂട്ടിക്കൊപ്പം ‘മാളികപ്പുറം’ ചിത്രത്തിന്റെ വിജയം ആഘോഷിച്ച് ഉണ്ണി മുകുന്ദനും ടീമും. സിനിമയുടെ വിജയാഘോഷ ചടങ്ങില് കേക്ക് മുറിച്ച് സന്തോഷം പങ്കിടാന് എത്തിയതായിരുന്നു മമ്മൂട്ടി. താരത്തെ സ്വീകരിക്കാനെത്തിയ ഉണ്ണിയോടാണ് തഗ് ഡയലോഗ് അടിച്ച് മമ്മൂട്ടി തിളങ്ങിയത്.
”ഉണ്ണി സാറെ, ഇനി കണ്ടാലൊക്കെ അറിയുമോ?” എന്നാണ് മമ്മൂട്ടി ചോദിച്ചത്. മമ്മൂട്ടിയുടെ ഡയലോഗ് ചുറ്റുമുള്ളവരിലും ചിരിപടര്ത്തി. പടം സൂപ്പര് ഹിറ്റായതിന് മമ്മൂട്ടിയോട് നന്ദി പറയുന്നുവെന്ന് ഉണ്ണി മുകുന്ദന് പറഞ്ഞു.
”എന്നെ സംബന്ധിച്ച് വളരെ വലിയൊരു ദിവസമാണ് ഇന്ന്. വേറെ ഒന്നും കൊണ്ടല്ല. എന്റെ സിനിമാ ജീവിതത്തിലെ ഏറ്റവും വലിയ ഹിറ്റ് മാളികപ്പുറം സംഭവിച്ചിരിക്കുകയാണ്. ആന്റോ ചേട്ടന് ഒരുപാട് നന്ദി ഉണ്ട്. എല്ലാവരോടും നന്ദി. പ്രത്യേകിച്ച് മമ്മൂക്കയോട്.”
”മാളികപ്പുറം എന്താണ് എന്ന് മലയാളി സമൂഹത്തിന് പറഞ്ഞ് കൊടുത്തത് മമ്മൂക്കയാണ്. ആ ഐശ്വര്യം എന്റെ കൂടെ മുന്നോട്ടും ഉണ്ടായി. 2023ലെ ആദ്യ ഹിറ്റായി സിനിമ മാറി” എന്നാണ് ഉണ്ണി മുകുന്ദന് പറഞ്ഞത്.
നവാഗതനായ വിഷ്ണു ശശി ശങ്കര് സംവിധാനം ചെയ്യുന്ന ചിത്രമാണ് മാളികപ്പുറം. ആന്റോ ജോസഫിന്റെ ഉടമസ്ഥതയിലുള്ള ആന് മെഗാ മീഡിയയും വേണു കുന്നപ്പിള്ളിയുടെ ഉടമസ്ഥതയിലുള്ള കാവ്യ ഫിലിം കമ്പനിയും ചേര്ന്നാണ് നിര്മാണം.