നടൻ വിശാഖ് നായർ വിവാഹിതനായി. ജയപ്രിയ നായരാണ് വധു. ബെംഗളൂരുവിൽ വച്ചായിരുന്നു വിവാഹം. ബന്ധുക്കളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. ആനന്ദം’ എന്ന ഹിറ്റ് ചിത്രത്തിലെ കുപ്പി എന്ന കഥാപാത്രത്തിലൂടെ യുവപ്രേക്ഷകരുടെ ഇഷ്ടം നേടിയ നടനാണ് വിശാഖ് നായർ
കഴിഞ്ഞ വർഷം നവംബറിൽ ആയിരുന്നു ഇരുവരും തമ്മിലുള്ള വിവാഹ നിശ്ചയം നടന്നത്. നവവധുവിനെ പരിചയപ്പെടുത്തിയുള്ള വിശാഖിന്റെ പോസ്റ്റും വൈറലായിരുന്നു. 2016ലായിരുന്നു ഗണേഷ് രാജ് സംവിധാനം ചെയ്യ്ത ‘ആനന്ദം’ റിലീസ് ചെയ്തത്. സിനിമയിലെ ‘കുപ്പി’ എന്ന വിശാഖിന്റെ കഥാപാത്രം ഏറെ പ്രേക്ഷക ശ്രദ്ധ നേടിയിരുന്നു.
‘പുത്തൻപണം’, ‘ചങ്ക്സ്’, ‘മാച്ച് ബോക്സ്’, ‘കുട്ടിമാമ’ തുടങ്ങി നിരവധി സിനിമകളിൽ ശ്രദ്ധേയ വേഷം അവതരിപ്പിച്ചു. പ്രണവ് മോഹൻലാൽ- വിനീത് ശ്രീനിവാസൻ ടീമിന്റെ ‘ഹൃദയം’ ആണ് വിശാഖിന്റെ ഏറ്റവും ഒടുവിലിറങ്ങിയ ചിത്രം.