പ്രതിസന്ധി ഘട്ടത്തിലും ഭര്ത്താവിനൊപ്പം നിന്ന് നടി മഹാലക്ഷ്മി. തട്ടിപ്പ് കേസില് അറസ്റ്റിലായ രവീന്ദറിന് കഴിഞ്ഞ ദിവസം കോടതി ജാമ്യം അനുവദിച്ചിരുന്നു. രവീന്ദറിനൊപ്പമുള്ള ചിത്രം പങ്കുവച്ചാണ് മഹാലക്ഷ്മി ഇപ്പോള് സോഷ്യല് മീഡിയയില് എത്തിയിരിക്കുന്നത്.
”എന്നില് പുഞ്ചിരി കൊണ്ടുവരുന്നതില് നിങ്ങള് ഒരിക്കലും പരാജയപ്പെടില്ല. ആരെയും സ്നേഹിക്കാനുള്ള യഥാര്ഥ കാരണം വിശ്വാസമാണ്. എന്നാല് ഇവിടെ എന്നേക്കാള് വിശ്വാസം നിന്നെ സ്നേഹിക്കുന്നു. പഴയ പോലെ അതേ സ്നേഹം വര്ഷിച്ച് എന്നെ സംരക്ഷിക്കൂ. സ്നേഹം മാത്രം, എന്ന് സ്വന്തം അമ്മു” എന്നാണ് ചിത്രത്തോടൊപ്പം മഹാലക്ഷ്മി കുറിച്ചത്.
നേരത്തെ അറസ്റ്റിലായ രവീന്ദറിനെതിരെ മഹാലക്ഷ്മി തെളിവുകള് നല്കിയെന്ന് ചില ഓണ്ലൈന് മാധ്യമങ്ങളില് വാര്ത്ത വന്നിരുന്നു. തന്നെ വഞ്ചനയിലൂടെയാണ് രവീന്ദര് വിവാഹം ചെയ്തതെന്നും രവീന്ദറിന്റെ തട്ടിപ്പ് കേസിനെ കുറിച്ച് തനിക്കൊന്നും അറിയില്ലെന്നുമൊക്കെ നടി മൊഴി നല്കി എന്നായിരുന്നു വാര്ത്തകള് എത്തിയത്.
ആ വാര്ത്തകള് എല്ലാം ഗോസിപ്പ് ആണെന്ന് ഒറ്റ ഫോട്ടോയിലൂടെ വ്യക്തമാക്കിയിരിക്കുകയാണ് മഹാലക്ഷ്മി. ഭര്ത്താവ് രവീന്ദര് ചന്ദ്രശേഖര് അറസ്റ്റിലായ സമയത്തും പ്രതികരണവുമായി മഹാലക്ഷ്മി എത്തിയിരുന്നു. ഇതും കടന്നുപോകും എന്നായിരുന്നു ഇന്സ്റ്റഗ്രാമില് നടി കുറിച്ചത്.