മമ്മൂട്ടിയെ നായകനാക്കി വൈശാഖ് സംവിധാനം ചെയ്ത മധുര രാജ മികച്ച പ്രതികരണമാണ് നേടിയത്. . ഈ വര്ഷം വിഷു റീലീസ് ആയെത്തിയ ഈ ചിത്രം നൂറു കോടി രൂപയുടെ ടോട്ടല് ബിസിനസ് നടത്തി എന്നാണ് അണിയറ പ്രവര്ത്തകര് അറിയിച്ചത്. ഉദയ കൃഷ്ണ തിരക്കഥ രചിച്ചു നെല്സന് ഐപ്പ് നിര്മ്മിച്ച ഈ സിനിമ ഇപ്പോള് തമിഴിലേക്കും ഡബ്ബ് ചെയ്ത് റിലീസ് ചെയ്യുകയാണ്. മമ്മൂട്ടിയോടൊപ്പം തമിഴ് യുവ താരം ജയ് കൂടി ചിത്രത്തില് ഉള്ളത് തമിഴ് പതിപ്പിന് ഗുണം ചെയ്യും എന്ന വിശ്വാസത്തില് ആണ് അണിയറ പ്രവര്ത്തകര്.
ഈ വരുന്ന ഒക്ടോബര് 18 നു ആണ് മധുരരാജയുടെ തമിഴ് പതിപ്പ് റിലീസ് ചെയ്യാന് പോകുന്നത്. മമ്മൂട്ടി, ജയ് എന്നിവര്ക്ക് ഒപ്പം തെലുങ്ക് നടന് ജഗപതി ബാബു, അനുശ്രീ, മഹിമ നമ്പ്യാര്, സലിം കുമാര്, പ്രശാന്ത് അലക്സാണ്ടര്, സിദ്ദിഖ്, നെടുമുടി വേണു, വിജയ രാഘവന്, ഷംന കാസിം, നോബി, അന്നാ രാജന്, നരേന് തുടങ്ങി ഒരു വലിയ താര നിര തന്നെ ഈ ചിത്രത്തില് ഉണ്ട്. ഗോപി സുന്ദര് സംഗീതം ഒരുക്കിയ ഈ ചിത്രത്തില് ഒരു ഐറ്റം നമ്പറുമായി എത്തിയിരിക്കുന്നത് ബോളിവുഡ് താര സുന്ദരിയായ സണ്ണി ലിയോണി ആണ്. പുലി മുരുകന് എന്ന ഇന്ഡസ്ട്രി ഹിറ്റായ മോഹന്ലാല് ചിത്രത്തിന് ശേഷം വൈശാഖ്- ഉദയ കൃഷ്ണ ടീം ഒന്നിച്ച ചിത്രമായിരുന്നു മധുര രാജ. വൈശാഖിന്റെ ആദ്യ ചിത്രമായ പോക്കിരി രാജയുടെ രണ്ടാം ഭാഗം ആണ് ഈ ചിത്രം.