ദുല്‍ഖര്‍ സല്‍മാന്‍ ചിത്രം “ചാര്‍ലി”യുടെ തമിഴ് പതിപ്പ് “മാര”യുടെ ചിത്രീകരണം 50 ശതമാനത്തോളം പൂര്‍ത്തിയായെന്ന് അണിയറപ്രവര്‍ത്തകര്‍. മാധവന്‍ ആണ് ചിത്രത്തില്‍ നായകനായെത്തുന്നത്. മാധവന്റെ അന്‍പതാം ജന്‍മദിനം ആഘോഷിച്ച വേളയിലാണ് അണിയറപ്രവര്‍ത്തകര്‍ ഇക്കാര്യം പുറത്തുവിട്ടത്.
മാധവനും ശ്രദ്ധ ശ്രീനാഥുമാണ് മാരയില്‍ പ്രധാന കഥാപാത്രങ്ങളെ അവതരിപ്പിക്കുന്നത്. വിക്രം വേദയാണ് ഇരുവരും ഒന്നിച്ച അവസാന സിനിമ.
സിനിമയുടെ മറ്റു വിവരങ്ങള്‍ ലഭ്യമല്ലെങ്കിലും ലോക്ക്ഡൗണിന് ശേഷം ഉടനടി തന്നെ ചിത്രീകരണം പുനരാരംഭിക്കാന്‍ ഒരുങ്ങുകയാണ് മാര സംഘം.
ദുല്‍ഖറും പാര്‍വ്വതിയും വേഷമിട്ട മാര്‍ട്ടിന്‍ പ്രക്കാട്ടിന്‍ ചിത്രം ചാര്‍ലി മലയാളത്തില്‍ തരംഗം സൃഷ്ടിച്ചിരുന്നു. നവാഗതനായ ദിലീപ് കുമാറാണ് “മാര” സംവിധാനം ചെയ്യുന്നത്. 40 വയസുകാരന്റെ കഥാപാത്രമാണ് ഇതില്‍ മാധവന്‍ ചെയ്യുന്നത്. അതേസമയം, കോളേജ് വിദ്യാര്‍ഥിയായ ഒരു പെണ്‍കുട്ടിയുടെ വേഷമായിരിക്കും ശ്രദ്ധ അവതരിപ്പിക്കുന്നത്.