ടൊവീനോ നായകനായെത്തുന്ന പുതിയ ചിത്രം ലൂക്കയിലെ ആദ്യ വീഡിയോ ഗാനത്തിന് വമ്പന് സ്വീകാര്യത. “ഒരേ കണ്ണാല് ഇനി..” എന്നു തുടങ്ങുന്ന മനോഹരമായ പ്രണയാര്ദ്ര ഗാനമാണ് യൂട്യൂബ് ട്രെന്ഡിംഗില് ഒന്നാമതായി കുതിക്കുന്നത്. ഗാനത്തിന് ഇതിനോടകം അഞ്ച് ലക്ഷത്തിന് മേല് കാഴ്ച്ചക്കാരായിട്ടുണ്ട്. സംഗീതം ഒരുക്കിയിരിക്കുന്നത്. നന്ദഗോപന്, സൂരജ് കുറുപ്പ്, അഞ്ജു ജോസഫ്, നീതു എന്നിവര് ചേര്ന്നാണ് ഗാനം ആലപിച്ചിരിക്കുന്നത്. മനു മഞ്ജിത്തിന്റെ വരികള്ക്ക് സുരാജ് എസ് കുറുപ്പാണ് ഈണം പകര്ന്നിരിക്കുന്നത്.
അഹാന കൃഷ്ണകുമാറാണ് ചിത്രത്തില് ടൊവീനോയുടെ നായിക. നവാഗതനായ അരുണ് ബോസ് സംവിധാനം ചെയ്യുന്ന ചിത്രം കലാകാരനും ശില്പിയുമായ ലൂക്കായുടെ കഥയാണ് പറയുന്നത്. പ്രിന്സ് ഹുസൈനും ലിന്റോ തോമസും ചേര്ന്നാണ് ചിത്രം നിര്മ്മിക്കുന്നത്. മൃദുല് ജോര്ജ്ജും അരുണ് ബോസും ചേര്ന്ന് രചന നിര്വഹിച്ചിരിക്കുന്ന ലൂക്കായുടെ ഛായാഗ്രഹണം നവാഗതനായ നിമിഷ് രവിയാണ്. എഡിറ്റിംഗ് നിഖില് വേണു. സൂരജ് എസ് കുറുപ്പ് ഗാനങ്ങള് ഒരുക്കുന്നു.
ടൊവീനോയ്ക്കൊപ്പം അഹാന കൃഷ്ണ, നിതിന് ജോര്ജ്, വിനീത കോശി, അന്വര് ഷെരീഫ്, പൗളി വില്സന്, തലൈവാസല് വിജയ്, ജാഫര് ഇടുക്കി, ശ്രീകാന്ത് മുരളി, ചെമ്പില് അശോകന്, നീന കുറുപ്പ്, ദേവി അജിത് തുടങ്ങിയവരും അഭിനയിക്കുന്നു. ജൂണ് 28 ന് ചിത്രം തിയേറ്ററുകളിലെത്തും.